Mga Panambitan 2:21 - Marahay na Bareta Biblia

²¹ Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Mga Panambitan 2:21 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Esther 3:13

An mga surat na ini dinara kan mga sinugo sa lambang probinsya kan imperyo. An laog kan mga surat iyo an pagboot na gadanon an gabos na Judio, hoben saka gurang, mga babae sagkod mga aki, sa laog nin sarong aldaw, sa ikatreseng aldaw nin Adar. Daing herak sindang gagadanon asin sasamsaman kan saindang pagsadiri.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Jeremias 11:22

Kaya nagtaram an Kagurangnan nin mga hukbo, “Papadusahan ko sinda! Magagadan sa gera an mga hoben na lalaki; magagadan sa gutom an saindang mga aki.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 51:22

sa paggadan kan mga lalaki saka mga babae, sa paggadan kan gurang saka hoben, sa paggadan kan mga aking lalaki saka mga aking babae,

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Jeremias 9:20

Nagsabi ako, “Kamong mga babae, paghinanyog kamo sa Kagurangnan, asin akoon nindo an saiyang mga tataramon. Tukdoan nindong magmondo an saindong mga aking babae asin manambitan an saindong mga katood.

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Mga Panambitan 1:15

“Nginisihan nin Kagurangnan an makokosog kong mga soldados. Sarong hukbo an inatubang niya sako tanganing ronoton an mga hoben kong lalaki. Siring sa mga ubas, an aking daraga nin Juda tinimaktimakan nin Kagurangnan.

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 3:43

“Linamag mo kami asin ginadan; natago an saimong pagkaherak huli kan saimong kaanggotan,

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Ezekiel 5:11

“Kaya, mantang ako an Dios na buhay—iyo ini an tataramon nin Kagurangnan Dios—huli ta dinigtaan mo an sakong Templo sa paagi kan gabos na maraot saka makauuyam mong mga gibo, pupuhoon taka. Dai ako mapahiling nin anoman na pagkaherak.

Ezekiel 7:4

Dai taka papaligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan.”

Ezekiel 7:9

Dai taka paliligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan, asin ako an nagpapadusa saimo.”

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Amos 8:13

Sa aldaw na iyan, maski an makokosog na hoben na mga lalaki saka babae, madidismayo huli sa paha.

Zacarias 11:6

Nagtaram an Kagurangnan, “Dai na ako maheherak sa kiisay man sa kinaban. Ako mismo an mabugtak kan gabos na banwaan sa kapangyarihan kan saindang mga pamayo. An mga pamayong ini an maraot kan kinaban, asin dai ko iyan ililigtas sa saindang kapangyarihan.”)

Deuteronomio 28:50

Magigin maringis sinda asin dai maheherak sa kiisay man saindo, aki man o gurang.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Josue 6:21

Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”