Mga Panambitan 2:20 - Marahay na Bareta Biblia

²⁰ Hilinga, Kagurangnan! Hilinga kun siisay an saimong pinapadusahan! Dapat daw na kakanon kan mga ina an mga aki na saindang namomotan? Dapat daw na an mga padi saka mga propeta sa Templo mismo gadanon?

Mga Panambitan 2:20 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Salmo 78:64

Huli sa espada, an saindang mga padi nagkagaradan; asin an saindang mga balo dai nakapanambitan.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Isaias 22:2

An bilog na syudad pano nin mga pagkukurahaw, karibokan asin kaogmahan. An saimong mga lalaking nagadan sa gerang ini, nagadan bakong sa pakikilaban.

Jeremias 19:9

An syudad papalibotan kan mga kaiwal asin hihingowahon nindang gadanon an mga tawo. Magigin makuri an pagkalaom sa syudad kaya kakakanon kan mga tawo digdi an saindang kapwa sagkod an sadiri nindang mga aki.”

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Mga Panambitan 1:19

“Inapodan ko an mga namomoot sako, alagad dinaya ninda ako. An mga padi asin mga lider nagkagaradan sa mga tinampo kan syudad, mantang naghahanap nin pagkakan tanganing padagos na mabuhay.

Mga Panambitan 4:10

Sa makuring kasakitan na nag-abot sa sakong banwaan, linuto kan mga mamomoton na ina an saindang kaakian tanganing magin kakanon.

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Mga Panambitan 4:16

Pinabayaan sinda nin Kagurangnan; iwinarak niya mismo sinda. Dai niya ginalangan an mga padi asin mga lider.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 9:7

Sinabihan nin Dios an armadong mga lalaki, “Digtaan nindo an Templo. An mga patyo kaiyan panoa nindo nin mga bangkay. Lakaw na kamo!” Kaya pinonan ninda an panggagadan kan mga tawo sa syudad.

Levitico 26:29

Magigin makuri an saindong gutom, kaya kakakanon nindo an sadiri nindong mga aki.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.