Mga Panambitan 2:2 - Marahay na Bareta Biblia

² Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 2:2 ပူးပေါင်းရင်းမြစ်များ

An Libro ni Job 2:3

Naghapot giraray an Kagurangnan, “Nanumpongan mo si Job na sakong sorogoon? Mayong makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot. Dinagka mo akong tugotan taka na salakayon siya maski mayo nin dahelan, alagad siring sa dati, maimbod pa giraray siya.”

Salmo 21:9

Gigibohon niya sindang arog sa naglalaad na horno sa pag-abot niya. Hahalonon sinda nin Kagurangnan sa saiyang kaanggotan asin kalayo an matunaw sainda.

Salmo 74:7

Sinulo ninda an saimong Templo; rinumpag, dai ginalangan an saimong pinag-eerokan.

Isaias 22:5

Iyo ini an panahon nin katakotan, pagkadaog, asin nin pagkaribong sa Kapantayan nin Bisyon na ipinadara sato kan Makakamhan na Kagurangnan Dios nin mga hukbo. Nagaba na an kudal kan samong syudad, asin an agrangay sa paghagad nin tabang nadadangog sa kabubuldan.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 25:12

Raraoton nin Dios an mga bantayan nin Moab kaiba kan mga halangkaw na kudal kaini asin tutumbahon niya an mga iyan sa daga.

Isaias 26:5

Siya an nagpababa kan mga mapaabaw-abaw; rinaot niya an pusog na syudad na saindang pinag-eerokan, asin rinumpag niya an mga kudal kaiyan.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 43:28

asin binasang-basang kan saimong mga pamayo an sakong santwaryo. Kaya pinabayaan kong mapahamak an Israel; itinugot kong pag-olog-ologon an sadiri kong banwaan.”

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Mga Panambitan 3:43

“Linamag mo kami asin ginadan; natago an saimong pagkaherak huli kan saimong kaanggotan,

Ezekiel 5:11

“Kaya, mantang ako an Dios na buhay—iyo ini an tataramon nin Kagurangnan Dios—huli ta dinigtaan mo an sakong Templo sa paagi kan gabos na maraot saka makauuyam mong mga gibo, pupuhoon taka. Dai ako mapahiling nin anoman na pagkaherak.

Ezekiel 7:4

Dai taka papaligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan.”

Ezekiel 7:9

Dai taka paliligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan, asin ako an nagpapadusa saimo.”

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Mikas 5:14

Tutumbahon ko an mga ladawan kan diosang si Asera sa saindong daga asin gagabaon ko an saindong mga syudad.

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

Mateo 18:33

Naherak ka man kutana sa kapwa mo sorogoon, siring na ako naherak saimo.’

2 Corinto 10:4

An mga armas na ginagamit mi sa pakilaban bakong mga armas kan kinaban, kundi mga mapangyaring armas nin Dios, na ginagamit mi sa pagrumpag nin mga bantayan.

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.