Mga Panambitan 2:18 - Marahay na Bareta Biblia

¹⁸ O Jerusalem, pag-agrangay sa Kagurangnan! Aldaw-banggi na pabuloson mo an saimong mga luha arog sa salog; hare pag-ontok sa paghaya saka sa pagmondo!

Mga Panambitan 2:18 ပူးပေါင်းရင်းမြစ်များ

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Salmo 119:145

Sa bilog kong puso minaapod ako saimo; simbaga ako, Kagurangnan, asin kukuyogon ko an saimong mga pagboot!

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Habakkuk 2:11

Maski an mga gapo sa mga kudal, nagkukurahaw laban saindo, asin sinisimbag iyan kan mga kahabaan.