Mga Panambitan 2:16 - Marahay na Bareta Biblia

¹⁶ An gabos mong kaiwal nag-olog-olog saimo nagtutuyatuya, asin nagpaparagot nin ngipon mantang nagkukurahaw, “Narumpag mi siya! Iyo ini an aldaw na satong pinagparahalat!”

Mga Panambitan 2:16 ပူးပေါင်းရင်းမြစ်များ

Salmo 109:2

Huli ta nagtataram tumang sako an mga tawong putikon asin maraot; pinagpapakaraot ninda ako.

Salmo 112:10

Nahihiling ini kan mga maraot asin naaanggot; minaparagot kan saindang mga ngipon dangan minahale; an saindang mga paglaom nawawara sagkod pa man.

Salmo 124:3

buhay pa kutana kitang hinalon ninda, kan maglaad an saindang kaanggotan tumang sato;

Salmo 22:13

Minanganga sinda kan ngoso atubang sako, garo mga leon na nag-uungal asin nagroronot sako.

Salmo 35:16

Padagos na tinuya-tuya ninda ako; mga ngipon pinaparagot ninda tumang sako.

Salmo 35:21

Buka an ngoso, minapahayag sinda tumang sako, “Totoo! Totoo! Nahiling mi na ika an naggibo.”

Salmo 35:25

Hare pagtugot na sinda magsaboot, “Naotob na an samong minamawot!” Hare pagtugot na sinda magsabi, “Nawara na siya sa atubangan mi!”

Salmo 37:12

An tampalasan magmamawot nin maraot tumang sa matanos; pinaparagot niya an ngipon tumang saiya.

Salmo 41:8

Olay ninda, “Grabe an saiyang helang; dai na siya makakabangon sa saiyang nahihigdaan.”

Salmo 56:2

Bilog na aldaw ako saindang tinitimaktimakan; dakul an sakuyang mga kalaban.

Salmo 57:3

Masimbag siya hale sa langit, asin ililigtas ako; sosopogon niya an mga nang-aapi sako. Ipapahiling nin Dios an danay niyang pagkamoot asin an saiyang pagkamaimbod.

Isaias 49:19

“Totoong rinaot an saimong daga—alagad iyan magigin sadit na para sa mga tawong nagdadangadang nganing mag-erok diyan. Asin an mga nagraot saimo magigin harayo nin marahay saimo.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 3:46

“Iniinsulto asin pinag-oolog-olog kami kan gabos ming kaiwal.

Ezekiel 23:32

Ini an itinataram nin Kagurangnan Dios, “Mainom ka sa kalis nin saimong tugang; dakula iyan saka hararom. Oolog-ologon ka asin tutuyatuyaon; huli ta pano an kalis na iyan.

Ezekiel 25:15

Nagtaram an Kagurangnan Dios, “Huli ta an mga Filisteo nagbalos nin makuri sa suanoy nindang mga kaiwal, asin ginadan ninda an mga ini sa saindang kaanggotan,

Ezekiel 25:3

Sabihan mo sinda na maghinanyog kan itinataram ko, an Kagurangnan Dios: Huli ta nag-ogma kamo kan mahiling nindong nadigtaan an sakong Templo, kan maraot an daga nin Israel, asin kan itinapok an banwaan nin Juda,

Ezekiel 25:6

“Ini an itinataram nin Kagurangnan Dios: Nag-oropak kamo asin nagrulukso sa kaogmahan. Ikinaongis nindo an daga nin Israel.

Ezekiel 36:3

“Kaya magpropesiya ka asin isabi mo na ini an itinataram ko, an Kagurangnan Dios: Kan an kabukidan nin Israel sakopon asin samsaman kan mga kataraed na nasyon, an Israel pinag-olog-olog kan gabos na banwaan.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.