Mga Panambitan 2:15 - Marahay na Bareta Biblia

¹⁵ Pinag-oolog-olog ka kan mga nag-aaragi; pinagtutuyatuya asin pinagngingisihan ninda an rumpag nang Jerusalem: “Iyo ini an magayon na syudad kaidto? Iyo ini an kaogmahan kan kinaban?”

Mga Panambitan 2:15 ပူးပေါင်းရင်းမြစ်များ

2 Mga Hade 19:21

an Kagurangnan nagsabi, “An syudad nin Jerusalem nagngingisi saimo, Senakerib, asin kinakawatan ka.

2 Mga Cronica 7:21

“An Templong ini inoomaw ngunyan alagad sa panahon na iyan, an lambang maagi sa harani kaini mangalas asin mahapot, ‘Tano ta siring an ginibo nin Kagurangnan sa dagang ini asin sa Templong ini?’

Salmo 109:25

Ako nagigin ngingisihan kan mga nagsumbong tumang sako; nagtatango-tango kun nahihiling ninda ako.

Salmo 22:7

Inoolog-olog kan mga nakakahiling sako; nagtutuyatuya sinda na nagtatango-tango kan payo,

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

Salmo 48:3

An Dios nagpapahiling na sa laog kan mga bantayan siya an pailihan.

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Isaias 28:21

Makikilaban an Kagurangnan siring kan ginibo niya sa Bukid nin Perazim asin sa kapantayan nin Gibeon, tanganing mangyari an saiyang plano—maski dipisil masabotan an saiyang mga gibo. Tataposon niya an saiyang trabaho, an misteryo niyang trabaho.

Isaias 37:22

na an Kagurangnan nagsabing, “Pinagngingisihan ka, Senakerib, kan syudad nin Jerusalem, asin pinag-oolog-olog.

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 25:18

Pinainom ko sa kalis an Jerusalem, an gabos na banwa nin Juda, asin an mga hade saka an mga lider ninda tanganing magin sinda sarong desyerto, sarong makangingirhat saka makatatakot na tanawon, dangan tanganing an ngaran ninda gamiton kan mga tawo bilang sarong maldisyon—arog kan ginigibo ninda sagkod ngunyan.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 48:27

Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Mga Panambitan 2:16

An gabos mong kaiwal nag-olog-olog saimo nagtutuyatuya, asin nagpaparagot nin ngipon mantang nagkukurahaw, “Narumpag mi siya! Iyo ini an aldaw na satong pinagparahalat!”

Mga Panambitan 2:6

Rinaot niya an Templo, an lugar na pinagsasambahan mi saiya. Hinale niya an mga pyesta asin an Sabbath. Ipinamate niya sa hade asin sa padi an kosog kan saiyang kaanggotan.

Ezekiel 16:13

Igwa ka nin mga alahas na bulawan saka plata, asin danay kang nakagubing nin purong lino saka seda na gabos binurdahan. Nagkakan ka nin tinapay na gibo sa pinakamarahay na arina, asin igwa ka nin dugos saka lana nin oliba na saimong kakanon. Guminayon ka nin marahay asin nagin sarong reyna.

Ezekiel 16:14

Nabantog ka sa lambang nasyon huli kan saimong mayong kaninan na kagayonan, huli ta ako an nagpagayon saimo.” Ini an tataramon nin Kagurangnan Dios.

Ezekiel 23:32

Ini an itinataram nin Kagurangnan Dios, “Mainom ka sa kalis nin saimong tugang; dakula iyan saka hararom. Oolog-ologon ka asin tutuyatuyaon; huli ta pano an kalis na iyan.

Ezekiel 25:6

“Ini an itinataram nin Kagurangnan Dios: Nag-oropak kamo asin nagrulukso sa kaogmahan. Ikinaongis nindo an daga nin Israel.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Daniel 9:16

Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Nahum 3:19

Mayo nin bolong para sa saimong namamatean, asin mayong karahayan an saimong mga lugad. Mag-ooropak an mga makadangog kan saimong pagbagsak. May nakaligtas daw sa saimong mayong ontok na kakurihan?

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Mateo 27:39

An mga tawong nag-aaragi nagtatango-tango na nagtutuya-tuya saiya,

Markos 15:29

Pinagtuya-tuya siya kan mga nag-aragi, na nagtatango-tango na nagsarabi, “Gagabaon mo an Templo asin papatindogon sa laog nin tolong aldaw!