Mga Panambitan 2:10 - Marahay na Bareta Biblia

¹⁰ An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Mga Panambitan 2:10 ပူးပေါင်းရင်းမြစ်များ

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

Isaias 15:3

An mga tawo sa tinampo nakagubing nin sako; sa mga plasa asin sa atop nin mga harong, naghihibi saka nagmomondo an mga tawo.

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Isaias 36:22

Dangan ginisi ni Eliakim, ni Sebna, saka ni Joa an saindang gubing sa kamondoan asin nagduman sa hade. Ibinareta ninda saiya an itinaram kan opisyal nin Asiria.

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Isaias 47:5

Sinasabihan nin Kagurangnan an Babilon, “Tumukaw ka asin dai ka maggirong diyan sa diklom; dai ka na aapodon na reyna nin mga nasyon!

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 3:28

Kun kita nagtitios, dapat na solo sana, kitang magtukaw asin dai maggirong.

Mga Panambitan 4:16

Pinabayaan sinda nin Kagurangnan; iwinarak niya mismo sinda. Dai niya ginalangan an mga padi asin mga lider.

Mga Panambitan 4:5

An mga tawo na nagkakan nin masiram na kakanon kaidto ngunyan nagagadan sa gutom sa mga tinampo; an mga nagdakula sa luho kaidto ngunyan namumurot nin pagkakan sa basurahan.

Mga Panambitan 5:12

An samong mga lider binihag dangan binitay; dai ginalangan maski an kamagurangan.

Mga Panambitan 5:14

Pinabayaan na kan mga gurang an pagtiripon sa trangkahan kan syudad, asin kan mga hoben na lalaki an saindang musika.

Ezekiel 27:30

Nagmomondo sinda nin makuri para saimo, nagbubugtak nin alpog sa saindang payo asin nagliligid sa abo.

Ezekiel 27:31

Inaaris ninda an saindang buhok asin naggugubing nin sako, mamondo sinda, mantang nagtatangis para saimo.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Joel 1:8

Pagtangis kamo, arog sa sarong daraga na ipinagmomondo an kagadanan kan lalaking saiyang magigin agom.

Amos 5:13

Kaya an dai paggirong sa siring karaot na mga panahon iyo an pinakamarahay na gibohon!

Amos 8:13

Sa aldaw na iyan, maski an makokosog na hoben na mga lalaki saka babae, madidismayo huli sa paha.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Jonas 3:6

Kan an baretang ini nakaabot sa hade nin Nineve, naghale siya sa natutukawan niyang trono, hinuba an saiyang gubing dangan nagsulot nin sako asin nagtukaw sa abo.

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”