Mga Panambitan 2:1 - Marahay na Bareta Biblia

¹ Sa kaanggotan nin Kagurangnan tinahoban niya an Sion nin kadikloman. Rinumpag niya an langitnon na kamurawayan nin Israel. Sa aldaw nin saiyang kaanggotan binayaan niya maski an saiyang Templo.

Mga Panambitan 2:1 ပူးပေါင်းရင်းမြစ်များ

2 Samuel 1:19

“Gadan na an satong mga lider sa kabubuldan nin Israel! Nagadan an pinakamaisog tang mga soldados!

1 Mga Cronica 28:2

Nagtindog si David sa atubangan ninda asin nagsabi: “Magdangog kamo, mga tugang asin mga kahimanwa. Nasa puso ko na kaidto an pagtugdok nin sarong harong na bugtakan kan Kaban nin Tipan, an tungtongan kan Kagurangnan na satong Dios. Inandam ko na an mga kagamitan para sa pagtugdok kan templo,

Salmo 132:7

Kami nagsabi, “Dumuman kita sa harong nin Kagurangnan; magsamba kita sa atubangan kan saiyang trono.”

Salmo 89:45

Pinagurang mo siya nin sala sa panahon; tinahoban mo siya nin kasopogan.

Salmo 99:5

Pag-omawon an Kagurangnan na satuyang Dios; sa atubang kan saiyang trono, sambahon siya! Siya banal!

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 1:12

“Kamo na mga nag-aagi, mayo daw nin halaga ini saindo? Hilinga kun igwa nin kamondoan arog kan sakuyang kamondoan, na dinadara sako nin Kagurangnan kan aldaw nin labi-labi niyang kaanggotan.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Mga Panambitan 4:1

Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 13:13

Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Ezekiel 30:18

Magdidiklom an Tafnes kun barion ko na an kapangyarihan nin Egipto asin taposon ko na an kosog na ipinag-orgulyo niya. An Egipto matatahoban nin sarong panganoron asin mabibihag an gabos na tawo sa saiyang mga syudad.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Lukas 10:15

Asin ika, Capernaum, boot mong iitaas sagkod sa langit? Ihuhulog ka sa impyerno!”

Lukas 10:18

Sinabihan sinda ni Jesus, “Nahiling ko si Satanas na nahulog na garo kikilat hale sa langit.

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.

1 Samuel 4:22

“Naghale na an kamurawayan nin Dios sa Israel,” olay niya, “huli ta nabihag an Kaban nin Dios.”