Mga Panambitan 1:9 - Marahay na Bareta Biblia

⁹ An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Mga Panambitan 1:9 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

2 Mga Hade 14:26

Nahiling nin Kagurangnan an makuring pagtios kan mga Israelita; maski saro mayo nin pwedeng magtabang sainda.

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 140:8

Kagurangnan, hare pagtawan an mga kamawotan kan mga tampalasan; hare papangyariha an saindang kaisipan.

Salmo 25:18

Hilinga an sakong kahaditan asin kasakitan; patawada an gabos kong kasalan.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Isaias 37:17

Hinanyoga ako, O Kagurangnan. Hilinga an nangyayari samo. Dangoga an mga tataramon ni Senakerib, na nagsugo sa pagtuyatuya saimo, an Dios na buhay.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 47:7

Naghona ka na danay kang magigin reyna, kaya dai mo naisip an mga bagay na ini o nagiromdoman an magigin kataposan kaiyan.

Isaias 51:19

Duwang bagay an nag-abot saimo: naraot an saimong daga huli kan gera asin nagutom an saimong namamanwaan. Mayo nin saro man na madamay saimo.

Isaias 54:11

Nagsasabi an Kagurangnan, “O Jerusalem, nagtitios, makaheherak, asin mayong karangahan na syudad, papupusogon ko giraray an saimong mga pundasyon asin mahalagang bato an sakong gagamiton.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 16:7

Mayo na nin makakan o mainom na kahampang kan tawong nawaraan nin sarong namomotan sa buhay. Mayo na nin makikidamay maski sa sarong nagadanan nin ama o ina.

Jeremias 2:34

An saimong mga gubing panong dugo kan dukha saka mayong sala, bakong dugo kan mga mahabon. “Alagad maski arog kaini an mga ginigibo mo,

Jeremias 48:26

Nagtaram an Kagurangnan, “Burata an Moab huli ta nagrebelde siya tumang sako. Magliligid siya sa sadiri niyang suka, asin pagngingisihan siya kan mga tawo.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Mga Panambitan 1:17

“Iginawagaw ko an sakong mga kamot alagad mayo nin minatabang sako. Hale sa manlaen-laen na lugar inapod nin Kagurangnan an sakong mga kaiwal; an paghiling ninda sako sarong maati na bagay.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Mga Panambitan 4:1

Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Mga Panambitan 5:1

Giromdoma, Kagurangnan, an nangyari samo; masdan mo kami asin hilinga an samong kasosopgan.

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Sofonias 2:10

Siring kaiyan an pagpadusa sa mga taga Moab saka Ammon, huli kan saindang kapalangkawan asin kapaabaw-abawan patin pagtuyatuya sa banwaan kan Kagurangnan nin mga hukbo.

Juan 11:19

kaya dakul na mga Judio an nagdalaw sa magtugang na Marta asin Maria sa pagranga sainda.

Deuteronomio 26:7

Dangan nag-agrangay kami sa Kagurangnan, an Dios nin samong mga ginikanan. Dinangog niya kami asin nahiling niya an samong pagtios, kasakitan sagkod kaapihan.

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’

Deuteronomio 32:29

Kun sinda madonong, masasabotan ninda kun tano ta sinda nadaog.

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”