Mga Panambitan 1:8 - Marahay na Bareta Biblia

⁸ An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Mga Panambitan 1:8 ပူးပေါင်းရင်းမြစ်များ

Genesis 3:7

Pakatapos nindang magkakan, nagkaigwa sinda nin pakasabot, asin naaraman ninda na sinda huba; kaya nagtahi sinda nin mga dahon kan higera dangan ginibo ninda ining pantahob sa saindang hawak.

1 Mga Hade 9:6

Alagad kun ika o an saimong mga aki magtalikod sako asin dai magkuyog kan sakong mga togon saka mga pagboot; kun kamo magsunod, maglingkod, asin magsamba sa ibang mga dios,

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

1 Mga Hade 9:9

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa mga dios-dios, kaya dinara sainda nin Kagurangnan an karatan na ini.’”

Isaias 47:3

Mahihiling kan mga tawo na ika huba; mahihiling nindang ibinaba ka na asin sinopog. Mabalos ako, asin mayo nin siisay man na mapugol sako.”

Jeremias 13:22

Kun maghapot ka kun tadaw ta nangyari ini saimo—kun tadaw ta ginirisi an saimong gubing asin linupigan ka—ini huli kan magabat mong kasalan.

Jeremias 13:26

An Kagurangnan mismo an magisi kan saimong gubing asin mahayag saimo sa kasosopgan.

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 6:28

Sinda gabos rebeldeng matatagas an payo, matagas arog kan bronse saka lansang. Sinda gabos maraot, asin naglilibot sinda tanganing manlibak.

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Mga Panambitan 1:17

“Iginawagaw ko an sakong mga kamot alagad mayo nin minatabang sako. Hale sa manlaen-laen na lugar inapod nin Kagurangnan an sakong mga kaiwal; an paghiling ninda sako sarong maati na bagay.

Mga Panambitan 2:10

An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Mga Panambitan 4:21

Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Ezekiel 23:29

Huli ta naoongis sinda saimo, kukuahon ninda an gabos na bunga kan saimong kapagalan dangan babayaan kang huba asin hayag na mahihiling an saimong pagkani-maraot na babae. An saimong kadustaan asin karompotan

Ezekiel 23:46

Ini an itinataram nin Kagurangnan Dios: “Magdara ka nin sarong hukbo laban sainda tanganing takoton saka samsaman sinda.

Ezekiel 39:23

Maaaraman man kan mga nasyon na itinapok an mga Israelita huli kan mga kasalan na saindang ginibo tumang sako. Tinalikodan ko sinda asin itinao sa kamot kan saindang mga kaiwal, dangan ginadan sinda kaini sa gera.

Oseas 2:10

Huhubaan ko siya sa atubang kan mga lalaking namomoot saiya, asin mayo nin siisay man na pwedeng magligtas saiya sa sakong kapangyarihan.

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.