Mga Panambitan 1:7 - Marahay na Bareta Biblia

⁷ Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Mga Panambitan 1:7 ပူးပေါင်းရင်းမြစ်များ

An Libro ni Job 29:2

“Kun ikakabalik ko sana an nakaaging mga aldaw, mga aldaw kan an Dios ako inaataman;

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 77:3

Kun iniisip ko an Dios, ako nag-aagrangay; kun ako naghohorophorop, nanluluya an sakong boot.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Isaias 64:10

An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Jeremias 48:27

Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Ezekiel 25:3

Sabihan mo sinda na maghinanyog kan itinataram ko, an Kagurangnan Dios: Huli ta nag-ogma kamo kan mahiling nindong nadigtaan an sakong Templo, kan maraot an daga nin Israel, asin kan itinapok an banwaan nin Juda,

Ezekiel 25:6

“Ini an itinataram nin Kagurangnan Dios: Nag-oropak kamo asin nagrulukso sa kaogmahan. Ikinaongis nindo an daga nin Israel.

Oseas 2:7

Lalamagon niya an mga namomoot saiya alagad dai niya maaabotan. Hahanapon niya sinda alagad dai niya makukua. Dangan masabi siya, “Mabalik ako sa enot kong agom—mas marahay pa an kamugtakan ko kaidto sa kaibahan niya ki sa ngunyan.”

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Lukas 15:17

Kan makapag-isip-isip siya, nagsabi siya, ‘Sobra an kakanon kan gabos na tinatandanan na trabahador duman sa harong kan ama ko, mantang ako magagadan digdi sa gutom!

Lukas 16:25

Alagad sinabihan siya ni Abraham, ‘Aki ko, giromdoma na kan nabubuhay ka pa sa daga, nakamtan mo an gabos na kaginhawahan, mantang si Lazaro anas pagtios. Ngunyan nasa kaginhawahan siya digdi mantang ika nagtitios.