Mga Panambitan 1:4 - Marahay na Bareta Biblia

⁴ Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 1:4 ပူးပေါင်းရင်းမြစ်များ

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 5:13

An mga hoben na lalaki pirit na pinatrabaho sa mga gilingan; mga aki pinanluluya sa gabat kan mga kahoy na saindang pasan.

Mga Panambitan 5:14

Pinabayaan na kan mga gurang an pagtiripon sa trangkahan kan syudad, asin kan mga hoben na lalaki an saindang musika.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.