Mga Panambitan 1:3 - Marahay na Bareta Biblia

³ An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 1:3 ပူးပေါင်းရင်းမြစ်များ

2 Mga Hade 25:11

Binihag ni Nebuzaradan an mga tawong nawalat sa syudad, an natatadang ekspertong mga trabahador, asin an mga nag-apil sa hade nin Babilonia.

2 Mga Hade 25:21

sa teritoryo nin Hamat. Duman sa Ribla, ipinahampak sinda kan hade saka ipinagadan. Kaya dinarang bihag an mga taga Juda sa luwas kan saindang daga.

2 Mga Hade 25:4

nalagbas an mga kudal kan syudad. Maski napapalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa tahaw nin duwang kudal, na harani sa tatamnan kan hade. Nagdulag sinda pasiring sa Araba.

2 Mga Hade 25:5

Alagad si Hadeng Zedekias linamag kan hukbo nin Babilonia asin inabotan sa kapantayan nin Jerico. Binayaan si Zedekias kan gabos niyang soldados.

Jeremias 13:19

An mga banwa sa habagat na parte nin Juda napapalibotan na; mayo na nin makakalaog duman. Dinarang bihag an gabos na taga Juda tanganing itapok.”

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 39:9

Pakatapos, dinara ni Nebuzaradan, an pinakahalangkaw na opisyal kan hukbo, an mga tawong natada sa syudad bilang mga bihag sa Babilonia, kaiba an mga nagdulag sa syudad tanganing magkampi saiya.

Jeremias 52:15

Binihag ni Nebuzaradan an mga tawong nawalat sa syudad, an natatadang ekspertong mga trabahador, asin an mga nag-apil sa hade nin Babilonia.

Jeremias 52:8

Alagad si Hadeng Zedekias linamag kan hukbo kan Babilonia asin inabotan sa kapatagan nin Jerico. Binayaan si Zedekias kan gabos niyang soldados.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Mga Panambitan 4:15

Nagkurahaw an mga tawo, “Humarayo kamo, mga maati! Dai nindo kami pagdutaan!” Kaya naglagalag sinda sa mga nasyon, mayo nin minaako sa sainda.

Mga Panambitan 5:5

Pinapagtrabaho kami arog sa mga asno o kamelyo; pagal na kami alagad dai tinutugotan na magpahingalo.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.