Mga Panambitan 1:20 - Marahay na Bareta Biblia

²⁰ “Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 1:20 ပူးပေါင်းရင်းမြစ်များ

An Libro ni Job 30:27

An sakong puso nariribong, asin dai nanggad natotoninong; an mga aldaw nin kasakitan nagdadangadang sa pagsabat sako.

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 38:8

Ako pinanluluya, talagang pagal na; nag-aagrangay huli ta an puso nahohorasa.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 16:11

Kaya nag-aagrangay ako sa kamondoan para sa Moab asin para sa Kir-heres.

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 2:35

nagsasabi ka, ‘Mayo ako nin sala; siguradong mayo na an kaanggotan nin Kagurangnan sako!’ Alagad ako, an Kagurangnan, an mapadusa saimo huli ta pinagnenegaran mo na nagkasala ka.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 48:36

“Kaya nagmomondo an sakong puso para sa Moab asin para sa mga taga Kir-heres, arog kan sarong tawo na nagtutugtog nin panambitan sa plawta, huli ta mayo na an gabos na kayamanan na sadiri ninda.

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Mga Panambitan 5:16

Mayo nang natada sa mga ipinag-oorgulyo nyamo; nagkasala kami, herak man samo!

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.