Mga Panambitan 1:2 - Marahay na Bareta Biblia

² Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 1:2 ပူးပေါင်းရင်းမြစ်များ

An Libro ni Job 6:15

Alagad dinaya nindo ako mga tugang, kamo na siring sa mga sapa na minamara kun mayo nin uran;

An Libro ni Job 7:3

Mayong halaga sa buhay ko an paglihis nin mga bulan; kamondoan an dara sako kan kabanggihon.

Salmo 126:5

An mga minasabwag na nagluluha, mag-ani logod na maogma.

Salmo 31:11

Para sa sakong mga kaiwal ako sarong ngingisihan; sa sakong mga kataed, ako sarong bagay na katatakotan. Mga kamidbid ko natatakot sako, mga nasabat ko sa dalan nagdudulag sako.

Salmo 6:6

Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Mga Talinhaga 19:7

An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 2:25

Israel, dai mo pagpagalon an saimong mga bitis, ni pagpamarahon an saimong halonan sa pagparalamag kan ibang dios. Alagad nagsasabi ka, ‘Dai ako pwedeng tumalikod. Namotan ko na an mga dayuhan na dios-dios asin susunodon ko sinda.’”

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Mga Panambitan 1:19

“Inapodan ko an mga namomoot sako, alagad dinaya ninda ako. An mga padi asin mga lider nagkagaradan sa mga tinampo kan syudad, mantang naghahanap nin pagkakan tanganing padagos na mabuhay.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Ezekiel 16:37

kaya uya, titiponon ko an mga dati mong kadorogan—an mga namotan mo asin an mga naongisan mo. Dadarahon ko sinda sa palibot mo dangan huhubaan taka tanganing mahiling ninda an saimong pagkani-huba.

Oseas 2:7

Lalamagon niya an mga namomoot saiya alagad dai niya maaabotan. Hahanapon niya sinda alagad dai niya makukua. Dangan masabi siya, “Mabalik ako sa enot kong agom—mas marahay pa an kamugtakan ko kaidto sa kaibahan niya ki sa ngunyan.”

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Kapahayagan 17:13

Sararo an saindang isip, kaya itinatao ninda an saindang kapangyarihan saka awtoridad sa hayop.

Kapahayagan 17:16

An nahiling mong sampolong sungay saka an hayop maoongis sa maraot na babae. Hahaleon ninda an gabos na nasa saiya saka babayaan ninda siyang huba; kakakanon ninda an laman niya dangan susuloon.