Mga Panambitan 1:19 - Marahay na Bareta Biblia

¹⁹ “Inapodan ko an mga namomoot sako, alagad dinaya ninda ako. An mga padi asin mga lider nagkagaradan sa mga tinampo kan syudad, mantang naghahanap nin pagkakan tanganing padagos na mabuhay.

Mga Panambitan 1:19 ပူးပေါင်းရင်းမြစ်များ

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 2:20

Hilinga, Kagurangnan! Hilinga kun siisay an saimong pinapadusahan! Dapat daw na kakanon kan mga ina an mga aki na saindang namomotan? Dapat daw na an mga padi saka mga propeta sa Templo mismo gadanon?

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Mga Panambitan 5:12

An samong mga lider binihag dangan binitay; dai ginalangan maski an kamagurangan.