Mga Panambitan 1:15 - Marahay na Bareta Biblia

¹⁵ “Nginisihan nin Kagurangnan an makokosog kong mga soldados. Sarong hukbo an inatubang niya sako tanganing ronoton an mga hoben kong lalaki. Siring sa mga ubas, an aking daraga nin Juda tinimaktimakan nin Kagurangnan.

Mga Panambitan 1:15 ပူးပေါင်းရင်းမြစ်များ

2 Mga Hade 9:33

asin sinabihan sinda ni Jehu, “Ihulog nindo an babaeng iyan!” Ihinulog ninda si Jezebel, asin an saiyang dugo tuminuprik sa kudal sagkod sa mga kabayo. Pinadalagan ni Jehu an saiyang mga kabayo asin karwahe sa ibabaw kan bangkay ni Jezebel,

Salmo 119:118

Isinisikwal mo an gabos na minalapas kan saimong mga katogonan; an saindang pandadaya mayong kamugtakan.

Isaias 28:18

Dangan mawawaraan nin halaga an pakipagtipan nindo sa kagadanan, asin mawawaraan nin halaga an pakipag-oyon nindo sa kinaban kan mga gadan. Pag-agi kan kasakitan, madadaog kamo.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 63:3

Nagsisimbag an Kagurangnan, “Siring sa mga ubas, tinimaktimakan ko an mga nasyon, asin mayo nin nagtabang sako. Tinimaktimakan ko an mga nasyon sa sakong kaanggotan, asin namantsahan kan saindang dugo an sakong gubing.

Jeremias 13:24

Iwawarak ka nin Kagurangnan arog kan dagami na ipinapalid kan doros na hale sa desyerto.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 37:10

Maski pa madaog mo an bilog na hukbo nin Babilonia, kun kaya mayo nin matada sainda kundi an mga nalugadan na nasa saindang mga tolda, mabangon an mga lalaking ini saka susuloon ninda an syudad.”

Jeremias 50:26

Salakayon nindo siya hale sa gabos na direksyon. Bukasan nindo an saiyang mga harong-harong; tambaka nindo an mga sinamsam arog sa mga tinambak na trigo! Raoton nindo an nasyon. Raoton nindo an gabos.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Mga Panambitan 3:34

Naaaraman nin Kagurangnan kun nagtios an satong mga espiritu sa bilanggoan,

Daniel 3:13

Pagkadangog kaini, naanggot nin marahay an hade dangan nagboot na darahon sa atubang niya an tolong lalaki.

Joel 3:13

Dakula an saindang karatan; putola sinda arog sa mga poon nin trigo kun tig-ani; ronota sinda arog kan pagronot sa ubas sa sarong pano nang pugaan nin ubas, sagkod na magsupay an arak.”

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Malakias 4:3

Sa aldaw na humiro ako, madadaog nindo an mga maraot na tawo, asin makakaagid sinda sa alpog sa irarom kan saindong mga bitis.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Hukom 10:8

Sa laog nin dyes y otsong taon, pinasakitan ninda asin inapi an mga Israelita na nag-erok sa daga kan mga Amoreo na nasa sirangan kan Salog nin Jordan duman sa Gilead.