Mga Panambitan 1:14 - Marahay na Bareta Biblia

¹⁴ “Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Mga Panambitan 1:14 ပူးပေါင်းရင်းမြစ်များ

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 27:12

Isinabi ko an parehong mensahe ki Hadeng Zedekias nin Juda, “Magpasakop ka sa hade nin Babilonia. Paglingkodan mo siya asin an saiyang banwaan, dangan mabubuhay ka.

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 28:13

magduman saka magsabi ki Ananias: “Nagtaram an Kagurangnan na kaya mong barion an kahoy na sakal alagad riribayan niya iyan nin lansang na sakal.

Jeremias 28:14

Nagtaram an Kagurangnan nin mga hukbo, an Dios nin Israel, na bubugtakan niya nin lansang na sakal an gabos na nasyon na ini asin maglilingkod sinda ki Hadeng Nebukadnezzar nin Babilonia. Sinabi nin Kagurangnan na papaglingkodon niya ki Nebukadnezzar maski an mga lalaw na hayop.”

Jeremias 32:3

Ibinilanggo ako duman ni Hadeng Zedekias huli kan pagpahayag ko na an Kagurangnan nagtaram nin siring, “Ipapasakop ko an syudad na ini sa hade nin Babilonia

Jeremias 32:5

Dadarahon si Zedekias sa Babilonia saka magdadanay duman sagkod na magiromdoman ko siya. Maski pa labanan niya an mga taga Babilonia, dai siya manggagana. Ako, an Kagurangnan, an nagtaram.”

Jeremias 37:17

Sarong aldaw ipinaapod ako ni Hadeng Zedekias, asin duman sa palasyo hilom na hinapot niya ako, “Igwa ka nin mensahe hale sa Kagurangnan?” Nagsimbag ako, “Igwa. Itatao ka sa hade nin Babilonia.”

Ezekiel 11:9

Iluluwas ko kamo sa syudad, asin itatao sa mga dayuhan. Sinentensyahan ko na kamo nin kagadanan,

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Ezekiel 23:28

Ini an tataramon nin Kagurangnan Dios, “Itatao taka sa mga tawong naanggotan saka nauuyaman mo.

Ezekiel 25:4

kaya itatao ko kamo sa mga taga sirangan tanganing bihagon. Mabugtak sinda nin mga kampo saka mga harong sa tahaw nindo. Kakakanon ninda an bunga saka iinomon an gatas na kutana para saindo.

Ezekiel 25:7

Huli ta ginibo nindo iyan, itatao ko kamo sa ibang mga nasyon na mahabon saka masamsam kan pagsadiri nindo. Pupuhoon ko kamo kaya dai na kamo ibibilang na sarong nasyon. Dangan maaaraman nindo na ako an Kagurangnan.”

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Mikas 2:3

Kaya nagsasabi an Kagurangnan, “Nagpaplano ako nin kapahamakan laban saindo, asin dai kamo makakaligtas diyan. Manunumpongan na sana nindo an saindong sadiri na nasa kahaditan. Dai na nanggad kamo makakapaabaw-abaw.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.