Mga Panambitan 1:13 - Marahay na Bareta Biblia

¹³ “Hale sa itaas nagpadara siya nin kalayo, na nag-irarom sagkod sa mga tolang ko. Nagbugtak siya nin siod para sa sakong mga bitis, dangan binayaan niya ako; binayaan na namumungnan, nakukulogan sa bilog na aldaw.

Mga Panambitan 1:13 ပူးပေါင်းရင်းမြစ်များ

An Libro ni Job 18:8

Huli ta dinadara siya sa hikot kan saiya man sanang bitis, asin naglalakaw siya pasiring sa kalot.

An Libro ni Job 19:6

Dai nindo nahihiling na an Dios an kaggibo kaini? Nagbugtak siya nin siod tanganing dakopon ako.

An Libro ni Job 30:30

Malalata na an sakong kublit; halangkaw nin marahay an sakong kalentura.

Salmo 129:5

Magkasoropog logod asin magsiribog an gabos na naoongis sa Sion.

Salmo 140:5

Mga mapaabaw-abaw nagbugtak nin litag para sako; nagbugtak sinda nin mga siod sa dalan na sakong aagihan.

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 31:10

Natatapos an buhay ko sa kamondoan, nauubos an mga taon ko sa inagrangay. Nawawara an kosog ko sa kasakitan, asin nasasayang an gabos kong tolang.

Salmo 35:4

Mapano logod nin sopog asin disonra an mga nagmamawot kan sakong kagadanan! Magsiribog logod asin magkarilibong an mga nagpaplano sako nin karatan!

Salmo 38:8

Ako pinanluluya, talagang pagal na; nag-aagrangay huli ta an puso nahohorasa.

Salmo 66:11

Itinugot mong mahulog kami sa siod asin pinapasan mo kami nin magabat.

Exodo 12:9

Dai nindo pagkakanon na hilaw o linabonan an arin man na parte kaini kundi bilog na inihaw, kairiba an payo, an mga bitis, sagkod an mga nasa laog kan tulak.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Jeremias 44:6

Kaya an sakong labi-labing kaanggotan inula ko sa mga banwa nin Juda asin sa mga tinampo nin Jerusalem, saka sinulo ko an mga ini. Naraot asin nagin sarong tanawon na nakakatakot ini sagkod ngunyan.

Mga Panambitan 1:22

“Kondenara sinda huli kan saindang mga karatan, siring na pinadusahan mo ako huli kan sakong mga kasalan. Minaagrangay ako sa kasakitan, asin pinanluluya an sakuyang puso.”

Mga Panambitan 3:11

Isinuhay niya ako sa sakong dalan, rinonot dangan binayaan;

Mga Panambitan 5:17

Makuri an pagmondo kan samong mga puso asin dai na nakakamaan an samong mga mata huli kan mga luha,

Ezekiel 12:13

Alagad bibikladon ko an sakong hikot asin dadakopon ko siya. Dangan dadarahon ko siya sa Babilonia. Magagadan siya duman na dai nahihiling an lugar na idto.

Ezekiel 17:20

Bibikladon ko an sarong hikot tanganing madakop siya. Dadarahon ko siya sa Babilonia asin papadusahan duman, huli ta dai siya nagin maimbod sakuya.

Ezekiel 32:3

Kun magtiripon na an mga nasyon, dadakopon taka sa sakong hikot, dangan ipapaguyod ko sa sainda an hikot pasiring sa baybayon.

Oseas 7:12

Alagad bibikladon ko an sarong hikot asin dadakopon ko sinda siring sa mga gamgam sa saindang paglayog. Papadusahan ko sinda huli kan karatan na saindang ginibo.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Deuteronomio 28:65

Mayo kamong makukuang katoninongan sa mga nasyon na iyan; mayo nin lugar na pwede nindong apodon na sadiri nindo. Papadarahan niya kamo nin kahandalan, kapurisawan asin kawaran nin paglaom.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 12:29

huli ta an satong Dios garo kalayong nanghahalon.