Mga Panambitan 1:10 - Marahay na Bareta Biblia

¹⁰ Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Mga Panambitan 1:10 ပူးပေါင်းရင်းမြစ်များ

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

Nehemias 13:1

Kan basahon sa mga tawo an Katogonan ni Moises, nabasa ninda digdi na ipinapangalad sa kiisay man na Ammonita o Moabita na mag-ayon sa banwaan nin Dios;

Isaias 63:18

Kami, an saimong banal na banwaan, pinalayas sa kadikit na panahon kan samong mga kaiwal; tinimaktimakan ninda an saimong santwaryo.

Jeremias 15:13

Tinaraman ako nin Kagurangnan, “Mapadara ako nin mga kaiwal tanganing hakoton an mga rogaring asin kayamanan kan sakong banwaan, bilang padusa sa ginibo nindang mga kasalan sa bilog na daga.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 27:19

Kan darahon ni Hadeng Nebukadnezzar sa Babilonia an hade nin Juda, si Jehoiakin na aking lalaki ni Jehoiakim, asin an mga ginagalangan na lalaki sa Juda saka sa Jerusalem, iwinalat niya an mga harigi, an bronseng tangke, an mga kariton, patin an nagkapira sa iba pang mga kayamanan kan Templo.)

Jeremias 27:21

“Hinanyoga nindo an sinasabi ko manongod sa mga kayamanan na nawalat sa Templo asin sa palasyo kan hade sa Jerusalem:

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 51:51

Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Ezekiel 7:22

Dai ako makikilabot maski basang-basangon ninda an mahalaga kong Templo, kun laogon iyan kan mga parahabon dangan digtaan.

Ezekiel 9:7

Sinabihan nin Dios an armadong mga lalaki, “Digtaan nindo an Templo. An mga patyo kaiyan panoa nindo nin mga bangkay. Lakaw na kamo!” Kaya pinonan ninda an panggagadan kan mga tawo sa syudad.

Markos 13:14

“Mahihiling nindo ‘An Makangingirhat na Katakotan’ na nagtitindog sa lugar na dai niya dapat tindogan.” (Saboton ini kan nagbabasa!) “Idtong mga nasa Judea, kaipuhan magdulag pasiring sa kabubuldan.

Deuteronomio 23:3

“An mga Ammonita o mga Moabita, saka an saindang kapagarakian sagkod sa ikasampolong henerasyon, dai pwedeng ibilang sa banwaan nin Kagurangnan.

Deuteronomio 23:4

Nagsayuma sindang tawan kamo nin pagkakan asin inomon kan nagbabaklay kamo hale sa Egipto; tinandanan ninda si Balaam, na aki ni Beor na gikan sa Petor kan Mesopotamia, tanganing maldisyonon kamo.