Mga Gibo 9:36 - Marahay na Bareta Biblia

³⁶ Duman naman sa Jope, igwa nin sarong babaeng paratubod na an ngaran Tabita. (Dorcas an saiyang ngaran sa Griyego, na an boot sabihon, “sarong usa.”) An gabos niyang panahon ginagamit niya sa paggibo nin karahayan asin sa pagtabang sa mga dukha.

Mga Gibo 9:36 ပူးပေါင်းရင်းမြစ်များ

2 Mga Cronica 2:16

Duman kami sa Lebanon mapalod nin kahoy na kaipuhan mo; bubugkoson mi iyan dangan gigibohon na mga balsa na samong ipapaanod sa dagat pasiring sa Jope. Hale duman, pwede mo nang madara iyan sa Jerusalem.

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Mga Talinhaga 5:19

Saro siyang magayon saka mabining babae. Danay na ikaogma mo an saiyang kabinian; mapano ka kan saiyang pagkamoot.

Awit nin mga Awit 2:9

Arog sa usa an sakong namomotan, siring sa sarong hoben na usa. Duman siya nagtitindog sa kataed kan lanob. Minadungaw siya sa bintana asin minasirip sa mga rehas.

Awit nin mga Awit 3:5

Manuga kamo sako, mga babae nin Jerusalem; magsumpa kamo huli sa marikas na mga usa na dai nindo oontokon an samong pagkamoot.

Awit nin mga Awit 8:14

Madya, sakong namomotan, maghidali ka siring sa usa, siring sa ogbon na usa sa kabukidan, saen nagtatalubo an mga pahamot.

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Mateo 25:17

Siring man an nag-ako nin dos mil pesos; nakaganansya man nin dos mil pesos.

Juan 15:5

“Ako an poon, kamo an mga sanga. An magdanay sako, asin ako saiya, mamumunga nin dakul; huli ta kun suhay kamo sako, mayo kamong magiginibo.

Juan 15:8

Napapamuraway an sakong Ama kun namumunga kamo nin dakul; iyan nagpapatotoo na kamo mga disipulo ko.

Mga Gibo 10:23

Pinadagos ni Pedro an mga lalaki; duman niya sinda pinakatorog kan bangging idto. Pagkaaga, nag-iba sainda si Pedro; nag-iba man saiya an nagkapira kan mga tugang na taga Jope.

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Mga Gibo 10:8

Inosipan niya sinda kan nangyari, dangan sinugo sa Jope.

Mga Gibo 11:13

Sinabihan niya kami na may nahiling siyang sarong anghel na nagtitindog sa laog kan saiyang harong, na nagsabi saiya, ‘Ipakua mo sa Jope an sarong tawo na an ngaran Simon Pedro.

Mga Gibo 11:5

“Idtoon ako duman sa syudad nin Jope namimibi, kan magkaigwa ako nin bisyon. Nakahiling ako nin garo dakulang tamong na itinutunton sa apat na kanto hale sa langit, saka nag-ontok sa tangod ko.

Mga Gibo 9:38

An Jope harani sana sa Lida, kaya kan mabaretaan kan mga disipulo duman sa Jope na nasa Lida si Pedro, nagsugo sinda nin duwang lalaki saka tinugon na sabihan si Pedro, “Pakidigdi tolos samo.”

Mga Gibo 9:42

An nangyaring ini nabantog sa bilog na Jope, kaya kadakul na tawo an nagtubod sa Kagurangnan.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Filipos 1:11

Mapapano an buhay nindo kan mga bunga nin katanosan na minaabot huli ki Jesu-Cristo, sa kamurawayan asin sa kaomawan nin Dios.

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

1 Tesalonica 4:10

Totoong namomotan nindo an gabos na tugang sa bilog na Macedonia. Alagad sinasadol mi kamo, mga tugang, na mag-orog pa logod an saindong pagkamoot.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Tito 2:7

Ika mismo an dapat magin arogan sa gabos na gibong marahay. Magin tunay saka maigot ka sa pagtukdo.

Tito 3:8

An kasabihan na ini totoo. Boot kong itukdo mo nin marahay an mga bagay na ini, tanganing an mga nagtutubod sa Dios maghingowang maggibo nin marahay; ini orog karahay asin mapapakinabangan kan mga tawo.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

Josue 19:46

Mejarkon, asin Rakkon, siring man an daga sa palibot kan Jope.