Mga Gibo 9:35 - Marahay na Bareta Biblia

³⁵ Nahiling siya kan gabos na taga Lida saka mga taga Sharon; asin nagtubod man sinda sa Kagurangnan.

Mga Gibo 9:35 ပူးပေါင်းရင်းမြစ်များ

1 Mga Cronica 5:16

Nag-erok sinda sa teritoryo nin Basan asin Gilead, sa mga banwa duman patin sa mga dagang pasabsaban nin Sharon. (

1 Mga Cronica 8:12

An mga aking lalaki ni Elpaal iyo si Eber, Misam asin Semed. Si Semed iyo an nagtugdok kan mga syudad nin Ono asin Lod patin kan mga kataraed na banwa kan mga ini.

Nehemias 11:35

Lod, Ono, asin sa Kapantayan kan mga Paradibuho.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Isaias 31:6

Nagsabi an Dios, “Banwaan nin Israel, nagkasala kamo sako, asin tinumangan nindo ako. Alagad ngunyan, magbaralik kamo sako!

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Isaias 66:8

May nakahiling na daw o nakadangog kan siring na bagay? May nasyon daw na namundag sa saro sanang aldaw? Dai na mahahaloy an pagtitios nin Sion, asin mamumundag an nasyon.

Mga Panambitan 3:40

Siyasaton ta an satong mga gawe asin magbalik kita sa Kagurangnan.

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Oseas 14:2

Magbalik kamo sa Kagurangnan, asin an pamibing ini iyo logod an saindong dolot sa saiya: “Patawada an gabos ming kasalan asin dangoga an samong pamibi, dangan oomawon mi ika siring sa samong ipinanuga.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Mga Gibo 11:21

An kapangyarihan kan Kagurangnan yaon sainda, asin kadakul na tawo an nagtubod saka nagbalik sa Kagurangnan.

Mga Gibo 15:19

Nagpadagos sa pagtaram si Santiago, “Kaya sinasabihan ko kamo na dai dapat pagribokon an mga pagano na nagdodolok sa Dios.

Mga Gibo 19:10

Arog kaini an gibo niya sa laog nin duwang taon, kaya an gabos na tawong nag-erok sa Asia, mga Judio o bako, nakadangog kan tataramon nin Kagurangnan.

Mga Gibo 19:20

Huli sa nangyaring ini, an tataramon nin Kagurangnan orog na nakalakop asin nakapadakul nin paratubod.

Mga Gibo 2:47

Nag-oomaw sinda sa Dios; marahay an boot sainda kan gabos na tawo. Aroaldaw idinadagdag sainda an mga ilinigtas kan Kagurangnan.

Mga Gibo 4:4

Alagad dakul sa mga nagdangog kan mensahe an nagturubod asin uminabot sa limang ribo an bilang kan mga lalaki.

Mga Gibo 6:7

Padagos an paglakop kan tataramon nin Dios. Padagos man an pagdakul kan mga disipulo sa Jerusalem; dakul man na padi an nakombertir sa pagtubod.

Mga Gibo 9:34

Nagsabi si Pedro saiya, “Eneas, pinapaomayan ka ni Jesu-Cristo. Magbangon ka asin tipiga an higdaan mo.” Nagbangon tolos si Eneas.

Mga Gibo 9:42

An nangyaring ini nabantog sa bilog na Jope, kaya kadakul na tawo an nagtubod sa Kagurangnan.

2 Corinto 3:16

Alagad mahahale an tahob siring sa nasasabi sa kasuratan manongod ki Moises: “An tahob saiya nahale kan siya magbalik sa Kagurangnan.”

Deuteronomio 4:30

Kun kamo nasa kasakitan, asin kun nangyayari na saindo an mga bagay na iyan, magbalik kamo sa Kagurangnan asin magsunod sa saiyang tingog.