Mga Gibo 8:39 - Marahay na Bareta Biblia

³⁹ Paghawas ninda, kinua si Felipe kan Espiritu nin Kagurangnan. Dai na siya nahiling giraray kan eunuko, alagad padagos ini sa pagbyahe, pano nin kaogmahan.

Mga Gibo 8:39 ပူးပေါင်းရင်းမြစ်များ

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

2 Mga Hade 2:16

Nagsabi sinda ki Eliseo, “Singkwenta kaming uya digdi, gabos makokosog na lalaki. Padumana kami tanganing hanapon an saimong kagurangnan. Tibaad dinara siya kan espiritu nin Kagurangnan asin iwinalat sa ibabaw nin sarong bukid o sa sarong kapantayan.” “Dai na kamo maglakaw,” an simbag ni Eliseo.

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 119:14

Ikinakaogma kong kuyogon an saimong mga kabotan, orog pa ki sa gabos na yaman.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Ezekiel 11:1

Initaas ako kan espiritu nin Dios asin dinara sa trangkahan sa parteng sirangan kan Templo. Duman sa may trangkahan nahiling ko an beynte y singkong lalaki, kaiba si Jaazanias na aking lalaki ni Azzur saka si Pelatias na aking lalaki ni Benaias, an duwang lider kan banwaan.

Ezekiel 11:24

Sa bisyon, initaas ako kan espiritu nin Dios asin dinara sa mga itinapok sa Babilonia. Dangan napara an bisyon.

Ezekiel 37:1

Namatean ko an mapangyaring presensya nin Kagurangnan, asin dinara ako kan saiyang espiritu dangan ibinugtak sa sarong kapantayan na pano nin mga tolang.

Ezekiel 43:5

Initaas ako kan espiritu nin Kagurangnan dangan dinara sa patyong nasa laog, saen nahiling kong napano an Templo kan kamurawayan nin Kagurangnan.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Mateo 13:44

“An Kahadean nin langit nakakaagid sa kayamanan na natatago sa oma. Nakalot iyan nin sarong tawo alagad tinahoban niya giraray. Dangan sa saiyang kaogmahan ipinabakal an gabos niyang rogaring asin binakal an omang iyan.

Mateo 3:16

Kan mabunyagan na si Jesus, naghawas siya tolos sa tubig, asin uya, nabuksan an kalangitan, dangan nahiling niya an Espiritu nin Dios na naghilig arog sa salampati asin nagtugdon saiya.

Markos 1:10

Pakahawas ni Jesus sa tubig, nahiling tolos niya na an langit nabuksan asin an Espiritu Santo arog sa salampati na naghihilig saiya.

Mga Gibo 13:52

An mga paratubod sa Antiokia napano nin kaogmahan asin kan Espiritu Santo.

Mga Gibo 16:34

Pakatapos, ipinag-iba niya sinda sa saiyang harong asin pinakakan sinda. Naogma siya asin an saiyang pamilya, huli ta nagtubod na sinda sa Dios.

Mga Gibo 8:29

Nagsabi ki Felipe an Espiritu Santo, “Sabayan mo an karwaheng iyan.”

Mga Gibo 8:38

Pinaontok kan eunuko an karwahe; nagduman sindang duwa sa tubig, dangan binunyagan siya ni Felipe.

Mga Gibo 8:8

Kaya nagkaigwa nin dakulang kaogmahan sa Samaria.

Roma 5:2

Huli saiya, nakamtan ta an biyaya nin Dios na satong namamatean ngunyan. Kaya nag-oogma kita sa paglaom na magkakaigwa kita nin kahirasan sa kamurawayan nin Dios.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

Santiago 4:16

Alagad nagpapaabaw-abaw kamo ngunyan asin naghahambog; maraot iyan.