Mga Gibo 8:27 - Marahay na Bareta Biblia

^27-28 Kaya nag-andam si Felipe saka naglakaw. May sarong eunuko na taga Etiopia na papuli na hale sa pagsamba sa Dios sa Jerusalem. Saro siyang mahalagang opisyal na namamahala sa kayamanan kan Candace, an reyna kan Etiopia. Mantang nasa karwahe siya, binabasa niya an libro ni Propeta Isaias.

Mga Gibo 8:27 ပူးပေါင်းရင်းမြစ်များ

1 Mga Hade 10:1

Nadangog kan reyna nin Sheba an kabantogan ni Solomon, kaya nagduman siya tanganing baloon si Solomon sa paagi nin mga dipisil na hapot.

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 68:31

Maabot an mga sugo hale sa Egipto; mga kamot iitaas kan mga taga Etiopia sa pagpamibi sa Dios.

Salmo 87:4

“Ibibilang ko an Egipto asin Babilonia sa mga nasyon na nagkukuyog sako; ibibilang ko an mga taga Filistia, Tiro asin Etiopia sa mga nag-eerok sa Jerusalem.”

Isaias 18:7

Maabot an panahon na an Kagurangnan nin mga hukbo maako nin mga dolot hale sa dagang ini na nababanga nin mga salog, sa makosog saka mapangyaring nasyon na ini, sa haralangkaw saka malinig an kublit na namamanwaan na kinakatakotan sa bilog na daga. Maduman sinda sa Bukid nin Sion, an lugar na pinagsasambahan sa Kagurangnan nin mga hukbo.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 60:3

An mga nasyon madadagka kan saimong liwanag, asin an mga hade madadagka kan nagbabanaag na bago mong aldaw.

Isaias 60:6

Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin Kagurangnan!

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 13:23

Maliliwat daw nin sarong maitom na lalaki an kolor kan saiyang kublit o nin leopardo an saiyang patak-patak? Kun mahimo ninda iyan, makakanood na man ika na maggibo nin matanos, ika na mayong ibang aram na gibo kundi karatan.

Jeremias 38:7

Nabaretaan ni Ebed-melec, na sarong eunuko na taga Etiopia asin nagtatrabaho sa palasyo, na ibinugtak ninda ako sa bubon. Kan panahon na iyan an hade yaon sa Trangkahan ni Benjamin.

Jeremias 39:16

na sabihan si Ebed-melec na taga Etiopia, na an Kagurangnan nin mga hukbo, an Dios nin Israel, nagtaram nin siring, “Ootobon ko na an sakong mga itinaram laban sa syudad na ini. Karatan asin bakong karahayan an mangyayari sa aldaw na iyan sa atubangan nindo.

Sofonias 3:10

Hale sa harayong daga nin Etiopia, an nagkawararak kong banwaan madara sako nin mga dolot.

Mateo 12:42

Sa Aldaw nin Paghukom matindog an Reyna nin Sheba saka mahukom saindo, huli ta nagbaklay siya hale sa mga poro kan daga tanganing madangog sana an kadonongan ni Solomon; asin uya an mas dakula pa ki Solomon!

Juan 12:20

May mga Griyego man na nagduman sa Jerusalem para sa pyesta tanganing magsamba.

Deuteronomio 30:13

Bako man iyan nasa ibong kan dagat, kaya dai kamo pwedeng magsabi, ‘Siisay daw an mabalyo kan dagat asin makua kaiyan para samo, tanganing samong madangog dangan magibo?’

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.