Mga Gibo 8:24 - Marahay na Bareta Biblia

²⁴ Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”

Mga Gibo 8:24 ပူးပေါင်းရင်းမြစ်များ

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Esdras 8:23

Kaya nag-ayuno kami saka nagpamibi sa samuyang Dios tanganing iligtas kami, asin dinangog niya an samong pamibi.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Exodo 10:17

Patawada ako ngunyan na sana sa pagkakasala kong ini asin ipamibi mo ako sa Kagurangnan na saindong Dios na haleon sako an magabat na padusang ini.”

Exodo 12:32

Daraha nindo an saindong mga karnero, mga kanding, sagkod mga baka dangan humale na kamo. Ipamibi man nindo na mabendisyonan ako.”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Jeremias 37:3

Sinugo ni Hadeng Zedekias si Jehucal na aking lalaki ni Selemias, asin an padi na si Sofonias, na aking lalaki ni Maaseias, tanganing pakiolayan ako na ipamibi sa Kagurangnan na samong Dios an samong nasyon.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.