Mga Gibo 8:23 - Marahay na Bareta Biblia

²³ Huli ta nahihiling kong pano ka nin mapait na pagkaori, dangan nagagapos ka nin kasalan.”

Mga Gibo 8:23 ပူးပေါင်းရင်းမြစ်များ

An Libro ni Job 20:14

alagad an kakanon nagin mapait sa saiyang tulak, mapait siring sa arin man na hudong.

Salmo 116:16

Sorogoon mo ako, Kagurangnan; sorogoon mo ako, na aking lalaki kan babae mong oripon. Ako pinatalingkas mo.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 58:6

“An pag-ayuno na boot ko iyo ini: Tangkason nindo an kadena nin pang-aapi asin an sakal nin inhustisya, saka talingkasan nindo an mga naaapi.

Jeremias 4:18

Juda, ika man sana an nagpadusa sa saimong sadiri huli kan saimong pamumuhay asin gibo. Iyo na ini an saimong kataposan, asin ini mapait; tuminadom ini sa saimong puso.

Jeremias 9:15

Kaya hinanyoga an gigibohon ko, ako an Kagurangnan nin mga hukbo, an Dios nin Israel: Papakakanon ko nin mapait na tinanom an sakong banwaan asin papainomon ko sinda nin tubig na may hudong.

Mga Panambitan 3:19

An giromdom kan sakong kulog, sakong paglalagalag, sarong mapait na hudong.

Mga Panambitan 3:5

Sinalakay niya ako asin ibinilanggo sa kapaitan asin sa kasakitan.

Juan 8:34

Nagsimbag si Jesus, “Sa katotoohan sinasabihan ko kamo, an lambang nagkakasala oripon nin kasalan.

Efeso 4:31

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

2 Pedro 2:4

Dai pinaligtas nin Dios an mga anghel na nagkasala, kundi ihinulog sinda sa impyerno, na duman nakakadenahan sinda sa kadikloman saka naghahalat kan Aldaw nin Paghukom.