Mga Gibo 8:21 - Marahay na Bareta Biblia

²¹ Mayo ka nin kabtang o kahirasan sa bagay na ini, huli ta an saimong puso bakong matanos sa atubang nin Dios.

Mga Gibo 8:21 ပူးပေါင်းရင်းမြစ်များ

2 Mga Cronica 25:2

Ginibo niya an matanos sa atubangan nin Kagurangnan, alagad bako iyan tudok sa puso niya.

Nehemias 2:20

Nagsimbag ako, “An Dios nin Langit iyo an mapauswag samo. Mga sorogoon niya kami asin popoonan mi an pagtugdok. Alagad mayo kamo nin deretso sa anoman na pagsadiri sa Jerusalem asin mayo kamo nin kahirasan sa mga tradisyon kaiyan.”

Salmo 36:1

An kasalan nagtataram sa tawong maraot sa kairaroman nin saiyang puso; mayo nin pagkatakot sa Dios sa saiyang mga mata.

Ezekiel 14:3

“Aki nin tawo, idinusay kan mga lalaking ini an saindang puso sa mga dios-dios, asin tinutugotan ninda an mga ini na darahon sinda sa kasalan. Naghohona daw sinda na sisimbagon ko sinda?

Levitico 13:8

Hihilingon siya giraray kan padi asin kun naglakop an gatok, ipapahayag kan padi na siya maati; iyan sarong nakakatakot na helang sa kublit.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Mga Gibo 8:37

Sinabihan siya ni Felipe, “Pwedeng bunyagan ka, kun nagtutubod ka sa bilog mong puso.” Nagsimbag an eunuko, “Nagtutubod ako na si Jesu-Cristo iyo an Aki nin Dios.”]

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Deuteronomio 10:9

Kaya dai nag-ako nin kahirasan na daga an tribu ni Levi, bakong arog kan ibang tribu; an Kagurangnan iyo an saindang kahirasan, sosog sa ipinanuga sainda nin Kagurangnan na saindong Dios.)

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Josue 22:25

Ginibo niya an Jordan na kasagkoran mi asin nindo, na gikan ki Ruben asin ki Gad; dai kamo nin pakilabot sa Kagurangnan.’ Dangan pwedeng pugolon kan saindong mga aki an samong mga aki sa pagsamba sa Kagurangnan.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Kapahayagan 20:6

Paladan asin banal an makaiba sa enot na pagkabuhay liwat! An ikaduwang kagadanan dai nin kapangyarihan sainda; magigin sindang mga padi nin Dios asin ni Cristo; maghahade sinda kaiba niya sa laog nin sangribong taon.

Kapahayagan 22:19

An siisay man na mag-ina nin anoman sa mga propesiya sa librong ini, hahalean man nin Dios kan saiyang kahirasan sa bunga kan kahoy nin buhay asin sa Banal na Syudad na isinurat sa librong ini.