Mga Gibo 7:51 - Marahay na Bareta Biblia

⁵¹ “Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Mga Gibo 7:51 ပူးပေါင်းရင်းမြစ်များ

2 Mga Hade 17:14

Alagad habo sindang maghinanyog; nagin matagas an saindang payo arog kan saindang mga ginikanan, na dai nagtubod sa Kagurangnan na saindang Dios.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

Nehemias 9:16

Alagad an samong mga ginikanan nagin mapaabaw-abaw saka matagas an payo, asin dai ninda inotob an saimong mga togon.

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Salmo 75:5

tinataraman ko an mga tampalasan na ontokon an saindang kahambogan.”

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Exodo 33:3

Maduman kamo sa daga na mayaman sa gabos na bagay. Alagad huli ta matagas an saindong payo dai ako maiba saindo ta tibaad tunawon ko kamo sa dalan.”

Exodo 33:5

Huli ta ipinagboot nin Kagurangnan ki Moises na sabihan an mga Israelita, “Saro kamong banwaan na matagas an payo. Kun mag-iba ako saindo maski dikit sanang panahon, tutunawon ko kamo. Kaya halea nindo ngunyan an saindong mga alahas, asin madesisyon ako kun ano an gigibohon ko sa saindo.”

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 6:10

Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Ezekiel 2:4

Matagas an saindang payo asin dai ninda ako ginagalangan, kaya sinusugo taka tanganing sabihan sinda na ini an tataramon ko, an Kagurangnan Dios.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Ezekiel 44:9

“Ako, an Kagurangnan Dios, nagpapahayag na mayo nin siisay man na bakong sirkomsisyonadong dayuhan, mayo nin siisay man na dai nagsusunod sako, na makakalaog sa sakong Templo, maski na an mga dayuhan na nag-eerok sa kaibahan kan mga Israelita.”

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Mga Gibo 6:10

alagad dai ninda siya nadadaog huli ta tinawan siya kan Espiritu Santo nin kadonongan sa pagtaram.

Mga Gibo 7:27

Alagad itinuklang siya kaidtong nandadaog saka tinaraman, ‘Siisay an nagbugtak saimo na magin samong pamayo asin hukom?

Mga Gibo 7:35

“Siya an Moises na isinikwal kan mga Israelita kan sabihon ninda, ‘Siisay an nagbugtak saimo na magin samong pamayo asin hukom?’ Siya an sinugo nin Dios na magin pamayo saka paraligtas, sa paagi kan anghel na nagpahiling saiya sa naglalaad na sadit na kahoy.

Mga Gibo 7:39

“Alagad habo siyang kuyogon kan satong mga ginikanan; isinikwal siya ninda dangan nagmawot sindang makabalik sa Egipto.

Mga Gibo 7:9

“Naori an ibang patriarka sa tugang nindang si Jose, kaya ipinabakal siya ninda sa mga taga Egipto. Alagad dai siya pinabayaan nin Dios;

Roma 2:25

An pagkaniserkomsisyonado mo may halaga sana kun kinukuyog mo an Katogonan, alagad kun dai mo iyan kinukuyog, garo ka man sana bakong serkomsisyonado.

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

Deuteronomio 10:16

Kaya poon ngunyan, magkuyog na kamo sa Kagurangnan asin dai na nindo pagpatagason an saindong payo.

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 9:13

“Nagtaram pa sako an Kagurangnan, ‘Aram kong talagang matagas an payo kan banwaan na ini.

Deuteronomio 9:6

Kaya pakasaboton nindo na itatao saindo nin Kagurangnan an marahay na dagang iyan bakong huli ta maninigo kamo; ata ngani, saro kamong banwaan na matagas an payo.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Colosas 2:11

Sinerkomsisyon man kamo diyan sa saiya, alagad bakong arog sa pagserkomsisyon nin tawo, kundi sa pagserkomsisyon ni Cristo na iyo an nagkalda saindo sa kapangyarihan kan parakasala nindong laman.