Mga Gibo 7:43 - Marahay na Bareta Biblia

⁴³ Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’

Mga Gibo 7:43 ပူးပေါင်းရင်းမြစ်များ

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:11

An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Amos 5:25

“Banwaan nin Israel, dai ako naghagad nin mga sakripisyo o mga dolot kan pangenotan ko kamo sa desyerto sa laog nin kwarentang taon.