Mga Gibo 7:3 - Marahay na Bareta Biblia

³ Sinabihan siya nin Dios, ‘Bayaan mo an saimong daga saka pamilya dangan dumuman ka sa daga na ipapahiling ko saimo.’

Mga Gibo 7:3 ပူးပေါင်းရင်းမြစ်များ

Genesis 12:1

Tinaraman nin Kagurangnan si Abram, “Bayaan mo an saimong daga, an saimong mga kadugo asin an harong kan saimong ama dangan magduman ka sa dagang ipapahiling ko saimo.

Genesis 15:7

Dangan tinaraman nin Kagurangnan si Abram, “Ako an Kagurangnan na nagkua saimo sa Ur kan Babilonia tanganing itao saimo ining daga bilang sadiri.”

Genesis 20:13

Kaya kan pahaleon ako nin Dios sa harong kan sakong ama, sinabihan ko siyang, ‘Saen man kita makaabot ikakapahiling mo an saimong pagkamaimbod sako sa pagsabi sa kiisay man na tugang mo ako.’”

Nehemias 9:8

Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Lukas 14:33

Siring man, an dai saindo magbaya kan gabos na sadiri niya, dai magigin disipulo ko.

Mga Gibo 7:4

Kaya naghale si Abraham sa daga kan mga Kaldeo dangan nag-erok sa Haran. Pagkagadan kan saiyang ama, pinabalyo siya nin Dios sa lugar na ini, na pinag-eerokan nindo ngunyan.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Josue 24:3

Dangan kinua ko si Abraham na saindong ginikanan, hale sa dagang idto sa ibong kan Eufrates, asin pinangenotan ko siya pasiring sa bilog na daga nin Canaan. Tinawan ko siya nin dakul na kapagarakian. Nagin aki niya si Isaac,