Mga Gibo 7:27 - Marahay na Bareta Biblia

²⁷ Alagad itinuklang siya kaidtong nandadaog saka tinaraman, ‘Siisay an nagbugtak saimo na magin samong pamayo asin hukom?

Mga Gibo 7:27 ပူးပေါင်းရင်းမြစ်များ

Genesis 19:19

nawilihan mo ako asin naherakan, kaya ilinigtas mo an sakong buhay; alagad harayong marahay an kabubuldan, tibaad dai pa ako nakakaabot duman abotan na ako kan kapahamakan asin magadan ako.

Exodo 2:14

Nagsimbag an lalaki, “Siisay an nagbugtak saimo na magin samong pamayo asin hukom? Ano, gagadanon mo man ako arog kan ginibo mo sa Egipcio?” Natakot si Moises asin nagsaboot, “Aram na palan an ginibo ko.”

Mateo 21:23

Nagbalik si Jesus sa Templo, asin mantang nagtutukdo siya, nagdolok an mga poon na padi asin an mga kamagurangan kan mga tawo dangan naghapot saiya, “Ano an kapangyarihan mo sa paggibo kan mga bagay na ini? Siisay an nagtao saimo kan kapangyarihan na iyan?”

Lukas 12:14

Sinimbag siya ni Jesus, “Lalaki, siisay an naggibo sakong hukom o parahiras kan pagsadiri nindong duwa?”

Mga Gibo 4:7

Pinaatubang ninda sainda an mga apostol saka hinapot, “Kiisay na kapangyarihan o kiisay na ngaran an ginagamit nindo sa paggibo kaini?”

Mga Gibo 5:33

Kan madangog ini kan mga kaayon kan Konseho, naanggot sinda nin makuri asin boot nindang ipagadan an mga apostol.

Mga Gibo 7:35

“Siya an Moises na isinikwal kan mga Israelita kan sabihon ninda, ‘Siisay an nagbugtak saimo na magin samong pamayo asin hukom?’ Siya an sinugo nin Dios na magin pamayo saka paraligtas, sa paagi kan anghel na nagpahiling saiya sa naglalaad na sadit na kahoy.

Mga Gibo 7:39

“Alagad habo siyang kuyogon kan satong mga ginikanan; isinikwal siya ninda dangan nagmawot sindang makabalik sa Egipto.

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.