Mga Gibo 6:13 - Marahay na Bareta Biblia

¹³ Nag-iba man sinda nin nagkapirang mga lalaki tanganing magputik dapit saiya. Nagsarabi sinda, “An tawong ini danay na nagtataram tumang sa satong banal na Templo saka sa Katogonan ni Moises.

Mga Gibo 6:13 ပူးပေါင်းရင်းမြစ်များ

Salmo 27:12

Hare ako pagpabayae sa sakong mga kaiwal; huli ta mga putikon na saksi nagtindog tumang sako, asin minahangos sinda nin kadahasan.

Salmo 35:11

Putikon na mga saksi an minaatubang, sa paghapot kan mga dai ko naaaraman.

Salmo 56:5

Bilog na aldaw pinupurisaw ako kan mga kaiwal; danay na iniisip ninda na ako makulogan.

Oseas 7:4

Gabos sinda mga parapasaluib asin bakong maimbod. Arog sinda sa sarong mainit na horno, na dai ginagatongan kan panadero kun dai pa andam an minasa.

Mateo 24:15

“Mahihiling nindong mangyayari sa banal na lugar ‘An Makangingirhat na Katakotan,’ na sinabi ni Propeta Daniel.” (Saboton ini kan nagbabasa!)

Mateo 26:59

An mga poon na padi asin an bilog na Konseho naghanap nin ikakasumbong tumang ki Jesus tanganing ipagadan siya.

Mga Gibo 21:28

Nagkurahaw sinda, “Tabangi kami nindo, mga taga Israel! Iyo ini an tawong naglilibot saen man na lugar na nagtutukdo sa gabos tumang sa nasyon nin Israel, tumang sa Katogonan ni Moises asin tumang sa Templong ini. Laen pa kaini, ngunyan nag-iba pa siya nin nagkapirang mga Griyego sa laog kaining Templo kaya dinigtaan niya an banal na lugar na ini!” (

Mga Gibo 25:8

Ini an depensa ni Pablo, “Mayo akong naginibong maraot tumang sa Katogonan kan mga Judio o tumang sa Templo, o tumang ki Cesar.”

Mga Gibo 6:11

Kaya binayadan ninda an nagkapirang lalaki na magbalobagi nin siring, “Nadangog mi siyang naglanghad ki Moises asin sa Dios!”

Mga Gibo 7:58

ginuyod paluwas kan syudad saka ginapo. Hinuba kan mga saksi an saindang pangibabaw na gubing saka iwinalat sa sarong hoben na an ngaran Saulo.

Hebreyo 7:12

Kun liniliwat an pagkapadi, kaipuhan na liwaton man an katogonan.