Mga Gibo 5:9 - Marahay na Bareta Biblia

⁹ Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

Mga Gibo 5:9 ပူးပေါင်းရင်းမြစ်များ

Genesis 20:13

Kaya kan pahaleon ako nin Dios sa harong kan sakong ama, sinabihan ko siyang, ‘Saen man kita makaabot ikakapahiling mo an saimong pagkamaimbod sako sa pagsabi sa kiisay man na tugang mo ako.’”

2 Mga Hade 6:32

Kaya nagsugo siya tanganing kuahon si Eliseo. Kan panahon na iyan, yaon si Eliseo sa saiyang harong asin kaolay an kamagurangan. Bago nag-abot an sugo kan hade, sinabihan ni Eliseo an kamagurangan, “An paragadan igwa nin sinugo tanganing pugotan ako! Pag-abot niya digdi, isera nindo an pintoan asin dai nindo siya pagpalaogon. Kasunod sana niya an hade.”

Salmo 50:18

Nagigin katood ka kan lambang mahabon na saimong nahihiling asin nakikiiba ka sa mga paradorog nin may agom.

Salmo 78:56

Alagad binalo ninda asin tinumangan an Kahorohalangkaweng Dios, asin dai ninda kinuyog an saiyang mga togon,

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 17:7

An lugar nginaranan Massa asin Meriba, huli ta nagreklamo an mga Israelita, asin huli ta binalo ninda an Kagurangnan kan sinda magsabi, “Kaibahan ta daw an Kagurangnan o dai?”

Mga Talinhaga 11:21

Laomon mo na papadusahan an maraot na tawo, alagad ililigtas an matanos.

Mga Talinhaga 16:5

Ikinakaongis nin Kagurangnan an gabos na mapaabaw-abaw; laomon mo na dai sinda makakadulag sa saiyang padusa.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mateo 4:7

Nagsimbag si Jesus, “Nasusurat man, ‘Dai mo pagsugotan an Kagurangnan mong Dios.’”

Lukas 16:2

Kaya ipinaapod niya saka tinaraman, ‘Ano ining nadadangog ko manongod saimo? Tawe ako nin kwenta kan palakaw mo sa pagsadiri ko huli ta dai ka na pwedeng mamahala kaiyan.’

Mga Gibo 15:10

Kun siring, tadaw ta binabalo nindo an Dios sa pagpapasan nin magabat na sakal sa mga paratubod, sakal na dai ta ngani naagod ni kan satong mga ginikanan?

Mga Gibo 5:6

Kinua kan mga hoben na lalaki an bangkay, pinatos saka binuligan paluwas dangan ilinubong.

Roma 10:15

Paanong ipaghulit nin mga tawo an mensahe nin Dios kun dai man sinda sinugo? Siring sa nasusurat, “Magayon an mga bitis kan nagdadara kan Marahay na Bareta!”

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

1 Corinto 10:9

Dai ta man dapat pagbaloon an Kagurangnan, siring kan ginibo kan iba sainda, kaya ginaradan sinda kan mga halas.