Mga Gibo 5:5 - Marahay na Bareta Biblia

⁵ Pakadangog kaini ni Ananias, natumba siya asin nagadan. Natakot nin makuri an gabos na nakadangog kan nangyaring ini.

Mga Gibo 5:5 ပူးပေါင်းရင်းမြစ်များ

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

1 Mga Cronica 13:12

Dangan natakot si David sa Dios asin nagsabi, “Paano ko na madadara ngunyan an Kaban nin Tipan nin Dios?”

1 Mga Cronica 15:13

Huli ta bako kamo an nagdara kaiyan kan enot, pinadusahan kita nin Kagurangnan na satong Dios dahelan ta dai nyato iyan inataman sa paagi na saiyang ipinagboot.”

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 64:9

Magkakatarakot an gabos na tawo; maghohorophorop kan mga ginibo nin Dios, asin ipapamareta iyan gabos.

Ezekiel 11:13

Mantang nagpopropesiya ako, natumbang gadan si Pelatias. Nagdapa ako dangan nagkurahaw, “Kagurangnan Dios! Gagadanon mo daw an gabos na natada sa Israel?”

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Mga Gibo 13:11

Papadusahan ka ngunyan kan Kagurangnan; mabubuta ka asin dai makakahiling kan liwanag nin aldaw sa talaan na panahon!” Namatean tolos ni Elimas na may naglipod na maitom na alopoop sa mga mata niya; nagkapkap siya sa paghanap nin makabit saiya.

Mga Gibo 2:43

Napangalas an gabos huli kan dakul na milagro saka mga ngangalasan na ginibo sa paagi kan mga apostol.

Mga Gibo 5:13

Mayo ni saro sa mga bakong paratubod an nangahas na makiiba sainda, maski iginagalang sinda kan mga tawo.

1 Corinto 4:21

Arin an boot nindo: magdiyan akong dara an pamakol o an espiritu nin pagkamoot asin nin kahoyoan?

2 Corinto 13:10

Sinusurat ko ini bago ako magdiyan saindo tanganing kun umabot na ako diyan, dai na kaipuhan na magin maisog pa ako saindo sa paggamit kan awtoridad na itinao nin Kagurangnan sako—awtoridad sa pagpakosog saindo, bakong sa paglaglag.

2 Corinto 13:2

Kan ikaduwa kong pagdalaw saindo, pinatanidan ko an mga nagkasala kaidto asin an iba man. Ngunyan na mayo ako diyan, pinapatanidan ko giraray sinda: sa sunod kong pagdiyan, mayo nang makakaligtas sa padusa.

2 Corinto 7:11

Hilinga kun ano an nagin bunga kan kamondoan na hale sa Dios: nagin kamong mahigos saka maigot sa pagpatotoo na mayo kamo nin sala. Naanggot kamo, nahandal, nagmawot, naghinigos asin naghingowa na mapadusahan an nagkasala. Kaya ipinahiling nindo na mayo kamo nin sala sa bagay na ini.

Deuteronomio 13:11

Dangan madadangog kan gabos na tawo sa Israel an nangyari; matatakot sinda kaya mayo na nin magibo kan siring na karatan.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Josue 22:20

Giromdoma nindo an pagsuhay ni Acan, na aki ni Zera, sa pagboot manongod sa mga bagay na dapat suloon; pinadusahan an bilog na Israel huli kaidto. Bako lamang si Acan an nagadan huli kan saiyang kasalan.”

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 11:5

Kun may magkulog sainda, maluwas an kalayo sa saindang ngoso na matomtom sa saindang mga kaiwal; sa paaging ini, an siisay man na magkulog sainda, magagadan.