Mga Gibo 5:14 - Marahay na Bareta Biblia

¹⁴ Orog na nagdakul pa an mga nagturubod sa Kagurangnan, mga lalaki asin mga babae.

Mga Gibo 5:14 ပူးပေါင်းရင်းမြစ်များ

2 Samuel 6:19

asin tinawan niya an lambang lalaki saka babae nin sarong pedasong tinapay, sarong pedasong karne saka mga pasas. Dangan an lambang saro nagpuli sa saiyang harong.

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

Nehemias 8:2

Kaya dinara ini ni Esdras duman sa lugar na pinagtiriponan kan mga tawo—mga lalaki, mga babae, saka mga aki na tatao nang magsabot.

Exodo 35:22

An gabos na boot magdolot, lalaki man o babae, nagdarara nin mga magayon na alpiler, hikaw, singsing, pulseras asin iba pang mga alahas na bulawan dangan idinolot ninda ini gabos sa Kagurangnan.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Mga Gibo 11:24

Marahay na tawo si Bernabe, pano nin Espiritu Santo asin nin pagtubod. Kaya dakul na tawo an nadara niya sa Kagurangnan.

Mga Gibo 2:41

An mga nag-ako kan saiyang tataramon binunyagan. Kan aldaw na idto mga tolong ribo katawo an nakadagdag sa mga paratubod.

Mga Gibo 2:47

Nag-oomaw sinda sa Dios; marahay an boot sainda kan gabos na tawo. Aroaldaw idinadagdag sainda an mga ilinigtas kan Kagurangnan.

Mga Gibo 22:4

Linamag ko asin ipinagadan an mga parasunod kan Dalan na ini. Dinakop ko an mga lalaki asin mga babae saka ipinabilanggo.

Mga Gibo 4:4

Alagad dakul sa mga nagdangog kan mensahe an nagturubod asin uminabot sa limang ribo an bilang kan mga lalaki.

Mga Gibo 6:7

Padagos an paglakop kan tataramon nin Dios. Padagos man an pagdakul kan mga disipulo sa Jerusalem; dakul man na padi an nakombertir sa pagtubod.

Mga Gibo 8:12

Alagad kan magtubod sinda ki Felipe mantang ipinaghulit kaini an Marahay na Bareta dapit sa Kahadean nin Dios saka dapit ki Jesu-Cristo, nagpabunyag sinda, mga lalaki asin mga babae.

Mga Gibo 8:3

Alagad hiningowa ni Saulo na rumpagon an simbahan; nangharong-harong siya asin ginuyod niya an mga paratubod, lalaki man o babae, dangan ipinabilanggo.

Mga Gibo 9:2

asin naghagad nin mga surat nin pagpamidbid para sa mga sinagoga sa Damasco, nganing kun igwa duman nin mga parasunod kan Dalan nin Kagurangnan, lalaki man o babae, dadakopon niya saka ibabalik sa Jerusalem.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Mga Gibo 9:35

Nahiling siya kan gabos na taga Lida saka mga taga Sharon; asin nagtubod man sinda sa Kagurangnan.

Mga Gibo 9:42

An nangyaring ini nabantog sa bilog na Jope, kaya kadakul na tawo an nagtubod sa Kagurangnan.

2 Corinto 6:15

Paanong magkaoyon si Cristo saka an Diablo? Paanong magkapareho an paratubod saka an bakong paratubod?

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.