Mga Gibo 4:29 - Marahay na Bareta Biblia

²⁹ Ngunyan, Kagurangnan, hilinga an saindang mga pagpatakot. Pakosoga an boot kan saimong mga sorogoon sa paghulit kan saimong mga tataramon.

Mga Gibo 4:29 ပူးပေါင်းရင်းမြစ်များ

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Mga Panambitan 3:50

sagkod na magdungaw an Kagurangnan hale sa langit asin mahiling kita.

Mga Panambitan 5:1

Giromdoma, Kagurangnan, an nangyari samo; masdan mo kami asin hilinga an samong kasosopgan.

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Mikas 3:8

Alagad pinapano ako nin Kagurangnan kan saiyang espiritu, hustisya saka kosog tanganing sabihan an banwaan nin Israel kun ano an saindang kasalan.

Mga Gibo 13:46

Alagad orog na nagkosog an boot ni Pablo asin ni Bernabe. Sinabihan ninda an mga tawo, “Kaipuhan na sa saindo ngona ipahayag an tataramon nin Dios. Alagad huli ta dai nindo iyan inako, asin dai nindo ibinilang an saindong mga sadiri na maninigo sa buhay na daing kataposan, maduman kami sa mga pagano.

Mga Gibo 14:3

Haloy na nag-ontok duman si Pablo saka si Bernabe. Nagtaram sindang daing takot dapit sa Kagurangnan, asin pinatotoohan man kan Kagurangnan an itinaram ninda dapit sa biyaya nin Dios, huli sa pagtao sainda nin kapangyarihan sa paggibo nin mga milagro saka mga ngangalasan.

Mga Gibo 19:8

Sa laog nin tolong bulan, danay na nagduman si Pablo sa sinagoga asin daing takot na nagpaliwanag sa mga tawo sa pagkombenser sainda dapit sa Kahadean nin Dios.

Mga Gibo 26:26

Aram ni Hadeng Agripa an mga bagay na ini, kaya nangangahas akong magtaram saiya nin siring. Bilog an paniwala ko na naiisihan niya an gabos na ini huli ta ini dai nangyari sa sarong hilom na lugar.

Mga Gibo 28:31

Hayag saka mayong olang na naghulit siya dapit sa Kahadean nin Dios asin nagtukdo dapit sa Kagurangnan na Jesu-Cristo.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Mga Gibo 4:21

Orog na pinatakot sinda kan Konseho dangan pinahale. Dai sinda nin nakuang paagi na padusahan sinda, huli ta an gabos na tawo nag-oomaw sa Dios dahel sa nangyari.

Mga Gibo 4:31

Pakatapos nindang mamibi, nayogyog an lugar na pinagtitiriponan ninda. Napano sinda gabos kan Espiritu Santo, dangan makosog an boot na ipinahayag ninda an mensahe nin Dios.

Mga Gibo 9:27

Kaya kinua siya ni Bernabe saka inibahan sa mga apostol. Ipinaliwanag ni Bernabe sainda kun paanong nahiling ni Saulo an Kagurangnan, na nagtaram saiya duman sa dalan. Sinabi pa niya an daing takot na paghulit ni Saulo sa ngaran ni Jesus duman sa Damasco.

Mga Gibo 9:28

Kaya nagin kaiba-iba na ninda si Saulo. Naglibot siya sa bilog na Jerusalem, daing takot na naghuhulit sa ngaran nin Kagurangnan.

1 Corinto 14:13

Kaya an tawong nagtataram sa manlaen-laen na lengwahe, kaipuhan mamibi sa Dios na magkaigwa siya kan balaog nin pagpaliwanag kan kahulogan kaiyan.

2 Corinto 3:12

Kaya mga pusoan kami, huli ta igwa kami kan paglaom na iyan.

Filipos 1:14

Huli kan pagkabilanggo ko, orog na nagsarig sa Kagurangnan an kadaklan sa mga tugang; asin orog na nag-isog saka mayong takot na naghuhulit kan mensahe nin Dios.

1 Tesalonica 2:2

Aram nindo na pinasakitan kami saka pinagtuya-tuya sa Filipos bago kami nakaabot saindo. Alagad pinakosog nin Dios an samong boot nganing ipahayag mi saindo an Marahay na Bareta hale saiya, maski kadakul an pag-olang.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.