Mga Gibo 4:19 - Marahay na Bareta Biblia

¹⁹ Alagad sinimbag sinda ni Pedro saka ni Juan, “Kamo an maghukom kun arin an tama sa atubang nin Dios: an pagkuyog saindo o an pagkuyog sa Dios?

Mga Gibo 4:19 ပူးပေါင်းရင်းမြစ်များ

1 Mga Hade 12:30

Kaya nagkasala an mga tawo huli ta nagduman sinda sa Betel tanganing sambahon an sarong baka, asin nagduman sinda sa Dan tanganing sambahon an saro pa.

1 Mga Hade 13:19

Kaya nag-iba saiya an propetang gikan sa Juda. Nagkakan siya asin nag-inom sa harong kan gurang na propeta.

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 21:11

Kinuyog kan mga opisyal asin kan mga ginagalangan na tawo sa Jezreel an pagboot ni Jezebel.

1 Mga Hade 22:14

Alagad nagsimbag si Micaias, “Sa ngaran kan buhay na Kagurangnan nasumpa ako na kun ano an itataram niya sako iyo sana an sakong itataram!”

2 Mga Hade 16:15

Dangan pinagbotan niya si Urias: “Tututongon mo sa dakula kong altar na ini an pang-agang mga atang asin an pangbangging mga dolot na pagkakan, an mga tinutong na atang sagkod an mga dolot na pagkakan kan hade asin kan banwaan, saka an mga dolot na arak kan banwaan. Iula mo sa altar na ini an dugo kan gabos na isinakripisyong hayop. Alagad ingatan mo an bronseng altar huli ta gagamiton ko iyan sa panghuhula.”

2 Mga Hade 16:16

Ginibo ni Urias an pagboot kan hade.

Salmo 58:1

Matanos daw an saindong mga pagboot, kamong mga dios-dios? Matanos daw an hatol na itinatao nindo sa katawohan?

Exodo 1:17

Alagad dai sinunod kan mga partera an pagboot kan hade huli ta may pagkatakot sinda sa Dios; pinabayaan nindang mabuhay an mga aking lalaki.

Jeremias 26:12

Dangan nagtaram ako, “Sinugo ako nin Kagurangnan na magpahayag kan gabos na nadangog nindong sinabi ko laban sa Templong ini saka laban sa syudad na ini.

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Oseas 5:11

Naaapi an Israel; nawara an daga na sadiri niya, huli ta binoot nanggad niyang magsunod sa mga mayong ikakatabang.

Amos 7:16

Kaya dangoga ngunyan kun ano an sinasabi nin Kagurangnan. Pinapaontok mo ako sa pagpropesiya, sa pagtaram laban sa banwaan nin Israel.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mateo 22:21

Nagsimbag sinda, “Ki Cesar.” Sinabihan sinda ni Jesus, “Kun siring, itao nindo ki Cesar an ki Cesar asin sa Dios an sa Dios.”

Lukas 22:8

Sinugo ni Jesus si Pedro asin si Juan saka tinugon, “Dumuman kamo asin andamon nindo an satong pamanggihan sa Paskwa na satong kakakanon.”

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Mga Gibo 5:28

“Pinagbotan mi na kamo na dai magtukdo sa ngaran ni Jesus, alagad hilinga kun ano an saindong ginibo! Pinalakop nindo an saindong katukdoan sa bilog na Jerusalem asin boot nindong basolon kami kan saiyang pagkagadan!”

Mga Gibo 5:29

Nagsimbag si Pedro saka an mga apostol, “Kaipuhan kuyogon mi an Dios, bakong an tawo.

1 Corinto 10:15

Nagtataram ako saindo bilang mga tawong may isip; hukoman nindo an mga sinasabi ko.

2 Corinto 4:2

Isinikwal mi an gabos na hilom saka makasosopog na gibo; dai kami nandadaya. Dai mi man riniribayan an tataramon nin Dios kundi sinasabi ming hayag an katotoohan. Bahala na an konsyensya nin mga tawo na maghukom samo sa atubang nin Dios.

Efeso 6:1

Mga aki, kuyogon nindo diyan sa Kagurangnan an saindong mga magurang, huli ta ini an tamang gibohon.

1 Timoteo 2:3

Marahay iyan asin nakakapaogma sa Dios na satong Paraligtas,

Hebreyo 11:23

Huli sa pagtubod, tinago si Moises kan saiyang mga magurang sa laog nin tolong bulan poon kan siya mamundag. Nahiling ninda na siya sarong magayon na aki; dai sinda natakot na maglapas kan pagboot kan hade.

Santiago 2:4

may pinapalaen kamo asin naghuhukom kamo na gikan sa maraot na kaisipan.