Mga Gibo 4:17 - Marahay na Bareta Biblia

¹⁷ Alagad nganing dai na makalakop sa mga tawo an bagay na ini, patanidan ta sinda na dai na nanggad magtaram sa kiisay man sa ngaran ni Jesus.”

Mga Gibo 4:17 ပူးပေါင်းရင်းမြစ်များ

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Amos 2:12

Alagad pinainom nindo nin arak an mga Nazireo, asin pinagbotan nindong dai magtaram kan sakong mensahe an mga propeta.

Mateo 27:64

Kaya pabantayan mo an lulubngan sagkod sa ikatolong aldaw, ta tibaad magduman an saiyang mga disipulo pagkabanggi saka habonon an bangkay; dangan masabi sinda sa mga tawo ‘Nabuhay siya liwat.’ An huring kaputikan na ini mas maraot pa ki kan naenot.”

Mateo 9:30

Asin nakahiling giraray sinda. Dangan pinagbotan sinda ni Jesus, “Dai nanggad nindo ini ipang-osip!”

Juan 15:21

Alagad gigibohon ninda ini gabos saindo dahel sako, huli ta dai ninda midbid an nagsugo sako.

Mga Gibo 4:21

Orog na pinatakot sinda kan Konseho dangan pinahale. Dai sinda nin nakuang paagi na padusahan sinda, huli ta an gabos na tawo nag-oomaw sa Dios dahel sa nangyari.

Mga Gibo 5:24

Kan madangog ini kan kapitan kan mga bantay sa Templo asin kan mga poon na padi, nagkarilibong sinda kun ano an nangyari sa mga apostol.

Mga Gibo 5:28

“Pinagbotan mi na kamo na dai magtukdo sa ngaran ni Jesus, alagad hilinga kun ano an saindong ginibo! Pinalakop nindo an saindong katukdoan sa bilog na Jerusalem asin boot nindong basolon kami kan saiyang pagkagadan!”

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

1 Tesalonica 1:8

Bako sanang an mensahe dapit sa Dios an nakalakop sa bilog na Macedonia asin Grecia sa paagi nindo, kundi pati an bareta manongod sa saindong pagtubod sa Dios nakaabot man sa manlaen-laen na lugar. Kaya dai na kami kaipuhan na magsabi pa nin anoman,

1 Pedro 2:23

Kan pag-olog-ologon siya, dai siya nagbalos; kan pinasakitan siya, dai siya naghoma, kundi nanarig siya sa Dios, an matanos na Hukom.