Mga Gibo 3:13 - Marahay na Bareta Biblia

¹³ An Dios ni Abraham, ni Isaac asin ni Jacob, an Dios kan satong mga ginikanan iyo an nagpamuraway sa saiyang Sorogoon na si Jesus, na saindong itinao saka pinagnegaran sa atubangan ni Pilato, kan boot siyang patalingkasan kaini.

Mga Gibo 3:13 ပူးပေါင်းရင်းမြစ်များ

Exodo 3:13

Alagad nagsimbag si Moises, “Kun magduman ako sa mga Israelita asin magsabi sainda, ‘Sinugo ako kan Dios nin saindong mga ginikanan,’ dangan hapoton ninda ako kun ano an saimong ngaran, ano an sasabihon ko?”

Exodo 3:15

Sabihan mo man an mga Israelita na an Kagurangnan, an Dios kan saindang mga ginikanan, ni Abraham, ni Isaac, asin ni Jacob, iyo an nagsugo saimo sa sainda. Iyo ini an sakong ngaran sagkod pa man. Gigiromdomon ako sa ngaran na ini sa gabos na henerasyon.

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 20:19

dangan itatao sa mga pagano. Pag-oolog-ologon siya kan mga ini, hahampakon, dangan ipapako sa krus; alagad sa ikatolong aldaw bubuhayon siya liwat.”

Mateo 22:32

‘Ako an Dios ni Abraham, ni Isaac, asin ni Jacob.’ Nangangahulogan ini na siya an Dios kan mga buhay, bako kan mga gadan.”

Mateo 27:2

Ginapos ninda si Jesus saka dinara sa gobernador na si Pilato.

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Markos 15:11

Alagad an mga tawo pinasunod kan mga poon na padi na hagadon ki Pilato na si Barrabas an paluwason.

Lukas 22:57

Alagad pinagnegaran ini ni Pedro, “Babae, dai ko siya midbid!”

Lukas 23:4

Dangan sinabihan ni Pilato an mga poon na padi asin an mga tawo, “Mayo ako nin nakukuang kasalan sa tawong ini.”

Lukas 6:37

“Dai kamo maghukom sa saindong kapwa asin dai man kamo huhukoman nin Dios. Dai kamo magkondenar, asin dai man kamo kokondenaron nin Dios. Magpatawad kamo asin papatawadon man kamo nin Dios.

Juan 12:16

An mga bagay na ini dai nasabotan kan saiyang mga disipulo kaidto; alagad kan si Jesus pinagmuraway na, naromdoman ninda na an gabos na ini sinurat dapit saiya asin ini ginibo sa saiya.

Juan 18:40

Nagkurahaw sinda, “Bakong siya kundi si Barrabas!” (Ining si Barrabas sarong tulisan.)

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Juan 19:12

Kan madangog ini ni Pilato, orog siyang naghanap nin paagi na mapaluwas si Jesus. Alagad nagkurahaw an mga tawo. “Kun paluwason mo siya, bako kang katood ni Cesar! An siisay man na nagsasabing hade siya, kaiwal ni Cesar!”

Juan 19:15

Alagad nagkurahaw sinda, “Gadanon siya! Gadanon siya! Ipako siya sa krus!” Hinapot sinda ni Pilato, “Boot nindong ipako ko sa krus an saindong hade?” Nagsimbag an mga poon na padi, “Mayo kami nin ibang hade kundi si Cesar!”

Juan 7:39

Sinabi niya ini manongod sa Espiritu na aakoon kan mga minatubod saiya. Sa panahon na idto dai pa itinatao an Espiritu, huli ta dai pa pinagmuraway si Jesus.

Mga Gibo 22:14

Nagsabi siya, ‘Pinili ka kan Dios nin satong mga ginikanan tanganing maaraman mo an saiyang kabotan, mahiling an saiyang banal na Sorogoon, asin madangog an saiyang tingog.

Mga Gibo 24:14

Alagad ini an masasabi ko saimo: naglilingkod ako sa Dios nin samuyang mga ginikanan sosog sa Dalan na inaapod nindang bakong totoo; alagad tinutubod ko man an gabos na nasusurat sa Katogonan ni Moises saka sa mga libro kan mga propeta.

Mga Gibo 3:12

Pagkahiling ni Pedro kan mga tawo, nagsabi siya, “Mga Israelita, tadaw ta nagngangalas kamo kaini? Tadaw ta pinagpaparahiling nindo kami? Naghohona kamo na napalakaw mi an lalaking ini huli sa sadiri ming kapangyarihan o kabanalan?

Mga Gibo 3:26

Kaya pinili nin Dios an saiyang Sorogoon; kamo an enot na pinadumanan saiya, tanganing bendisyonan dangan tabangan kamong tumalikod sa karatan.”

Mga Gibo 4:27

Sa syudad na ini, si Herodes, si Poncio Pilato, an mga pagano sagkod an mga taga Israel nagtiripon tumang ki Jesus, an saimong banal na Sorogoon na saimong linahidan.

Mga Gibo 4:30

Unata an saimong kamot sa pagbolong, asin itugot mo sa ngaran kan saimong banal na Sorogoon na si Jesus na makagibo kami nin mga ngangalasan saka mga milagro.”

Mga Gibo 7:32

‘Ako an Dios nin saimong mga ginikanan, an Dios ni Abraham, ni Isaac asin ni Jacob.’ Tinakigan si Moises, asin dai siya nangahas na maghiling.

Roma 9:5

Gikan sinda sa bantog na mga Patriarka; sa rasa ninda gikan si Cristo kan siya magin tawo. Pag-omawon sagkod pa man an Dios na nagsasakop kan gabos! Amen.

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 1:5

asin hale ki Jesu-Cristo, an maimbod na saksi, na iyo an enot na binuhay liwat, saka iyo man an kagsakop kan mga hade sa kinaban. Namomotan kita ni Cristo. Sa paagi kan saiyang dugo, kinalda niya kita sa satong mga kasalan.