Mga Gibo 28:4 - Marahay na Bareta Biblia

⁴ Kan mahiling kan mga taga duman an rimoranon na nagkakalay-kalay sa kamot ni Pablo, nagpasarabi-sabi sinda, “Paragadan talaga an tawong ini, kaya maski nakaligtas siya sa dagat, dai siya itinutugot kan langit na mabuhay pa.”

Mga Gibo 28:4 ပူးပေါင်းရင်းမြစ်များ

Genesis 3:1

Sa gabos na hayop na ginibo nin Kagurangnan Dios, an halas an pinakatuso. Hinapot kan halas an babae, “Totoo mananggad na tinaraman kamo nin Dios na dai magkakan kan bunga kan arin man na kahoy sa laog kan tatamnan?”

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 43:20

Maski an mga lalaw na hayop magalang sako; an mga lalaw na ayam saka mga ostrits maomaw sako. Kun an mga salog pabuloson ko na sa desyerto tanganing tawan nin tubig an pinili kong banwaan.

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Lukas 13:2

Sinimbag sinda ni Jesus, “Naghohona kamo na mas makasalan an mga taga Galileang idto ki sa ibang mga taga Galilea, huli sa nangyari sainda?

Lukas 13:4

Idtong dyes y otso katawong nagkagaradan kan marumpagan kan tore sa Siloe, sa paghona nindo mas maraot sinda ki sa ibang mga tawong nag-eerok sa Jerusalem?

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Mga Gibo 28:2

Marahay an pag-ako samuya kan mga taga duman. Huli ta nag-uran asin malipot an panahon, nag-amak sinda nin kalayo asin pinadagos kami gabos.

Mga Gibo 28:3

Si Pablo nagtambak nin igatong. Kan ibinubugtak na niya idto sa kalayo, luminuwas an sarong rimoranon huli kan init dangan kinagat siya sa kamot.

Mga Gibo 28:5

Alagad an rimoranon iwinitik ni Pablo sa kalayo; mayo man lamang nin nangyari saiya.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”