Mga Gibo 28:21 - Marahay na Bareta Biblia

²¹ Nagsabi sinda saiya, “Mayong surat na nag-abot samo hale sa Judea dapit saimo. An mga tugang na nagdigdi dai nagbareta dapit saimo o nagsabi nin maraot tumang saimo.

Mga Gibo 28:21 ပူးပေါင်းရင်းမြစ်များ

Exodo 11:7

Alagad mayo maski sarong ayam na mangarob sa mga Israelita o sa saindang mga hayop, tanganing maaraman mo na pinalaen ko an mga Israelita sa mga Egipcio.’”

Isaias 41:11

“Mamamatean kan mga naaanggot saimo an sosog nin pagkadaog. An mga nakikilaban saimo magagadan

Isaias 50:8

huli ta harani an Dios, asin patotoohan niyang mayo akong kasalan. Igwa daw nin mangangahas na magsumbong tumang sakuya? Duman kami maghilingan sa korte! Darahon niya an saiyang sumbong!

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Mga Gibo 22:5

Makakapagsaksi an Halangkaw na Padi saka an bilog na Konseho na totoo ining sinasabi ko. Tinawan ninda ako nin surat para sa mga tugang na Judio duman sa Damasco. Kaya nagduman ako nganing dakopon an mga paratubod dangan darahon digdi sa Jerusalem nganing padusahan.

Mga Gibo 28:14

Nanumpongan mi duman an nagkapirang paratubod na nag-alok samo na mag-erok sainda nin sarong semana. Dangan nakaabot kami sa Roma.

Mga Gibo 3:17

“Ngunyan, mga tugang, aram kong dai nindo nasabotan an ginibo nindo ki Jesus, siring kan mga lider nindo.

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.