Mga Gibo 28:15 - Marahay na Bareta Biblia

¹⁵ Nabaretaan kan mga tugang sa Roma na maabot kami, kaya may nagsabat samo sa Plasa nin Apio, mantang an iba naghalat sa Tolong Sakatan na Harong. Kan mahiling sinda ni Pablo, nagpasalamat siya sa Dios asin nagkosog an saiyang boot.

Mga Gibo 28:15 ပူးပေါင်းရင်းမြစ်များ

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Exodo 4:14

Huli kaini, naanggot an Kagurangnan ki Moises asin nagtaram, “Bakong yaon an tugang mong Levita na si Aaron? Aram kong marahay siyang magtaram. An totoo, pasiring na siya digdi asin maoogma siyang mahiling ka.

Juan 12:13

Kaya nagkua sinda nin mga sanga nin palma saka sinabat siya sa luwas kan syudad. Nagkurahaw sinda, “Osana! Paladan an minadatong sa ngaran nin Kagurangnan! Osana sa Hade nin Israel!”

Mga Gibo 1:15

Pakalihis nin nagkapirang aldaw, nagtiripon an mga syento beynteng paratubod. Nagtindog si Pedro saka nagtaram,

Mga Gibo 10:23

Pinadagos ni Pedro an mga lalaki; duman niya sinda pinakatorog kan bangging idto. Pagkaaga, nag-iba sainda si Pedro; nag-iba man saiya an nagkapira kan mga tugang na taga Jope.

Mga Gibo 10:25

Kan malaog na sa harong si Pedro, sinabat siya ni Cornelio, saka duminapa ini sa pamitisan ni Pedro sa pagsamba saiya.

Mga Gibo 11:1

Nabaretaan kan mga apostol saka kan mga tugang sa bilog na Judea na an mga pagano nag-ako man kan tataramon nin Dios.

Mga Gibo 11:12

Sinabihan ako kan Espiritu Santo na dai magduwa-duwang umiba sainda. Ining anom na katugangan na taga Jope nag-iriba man sako sa Cesarea; kami gabos nagduman sa harong nin sarong tawo na Cornelio an ngaran.

Mga Gibo 12:17

Pinasabot niya sinda na dai magribok. Ipinaliwanag niya sainda kun paanong ilinuwas siya nin Kagurangnan sa bilanggoan. Asin nagsabi siya, “Ibareta nindo ini ki Santiago saka sa ibang mga tugang.” Dangan naghale siya saka nagduman sa ibang lugar.

Mga Gibo 21:5

Pakatapos kan pitong aldaw, nagpadagos na kami kan samong pagbyahe. Hinatod kami kan mga disipulo, kairiba an saindang mga agom saka mga aki, sagkod sa luwas kan syudad. Kami gabos nagluhod sa baybayon dangan namibi.

Mga Gibo 28:14

Nanumpongan mi duman an nagkapirang paratubod na nag-alok samo na mag-erok sainda nin sarong semana. Dangan nakaabot kami sa Roma.

Roma 15:24

linalaom kong mahiling kamo pagpasiring ko sa Espanya. Pakatapos na masongko ko kamo nin halipot na panahon, linalaom ko na tatabangan man nindo ako sa sakong pagbyahe pasiring sa Espanya.

2 Corinto 2:14

Alagad salamat sa Dios, na danay na nangengenot samo sa kapangganahan ki Cristo, asin huli samo nagpapalakop kan pahamot nin pakaaram dapit ki Cristo sa gabos na lugar.

Galacia 4:14

Alagad maski nagin dakulang kagabatan para saindo an kamugtakan kan sakong hawak, dai nindo ako pinagtuya-tuya o isinikwal, kundi inako na garo ako sarong anghel nin Dios o garo si Cristo Jesus.

1 Tesalonica 3:7

Kaya, mga tugang, maski kanigoan an samong kapurisawan saka kasakitan, naranga kami dapit saindo, huli kan saindong pagtubod.

Hebreyo 13:3

Giromdomon nindo an mga bilanggo, na garo baga kaiba kamo ninda sa bilanggoan. Giromdomon nindo an mga pinapasakitan, na garo baga kamo man sana an pinapasakitan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.