Mga Gibo 27:41 - Marahay na Bareta Biblia

⁴¹ Alagad an barko nakasadsad sa hababaw na lugar asin nabara; an prowa kan barko nakatalbong asin dai na nakahiro, mantang an olin narapak kan makosog na alon.

Mga Gibo 27:41 ပူးပေါင်းရင်းမြစ်များ

1 Mga Hade 22:48

Nagpagibo si Hadeng Jehosafat nin mga barko sa Tarsis tanganing maglayag pasiring sa daga nin Ofir sa pagkua nin mga bulawan. Alagad dai nakahale an mga barko huli ta nagkararaot an mga ini duman sa Ezion-geber.

2 Mga Cronica 20:37

Alagad pinatanidan si Jehosafat ni Eliezer na aking lalaki ni Dodavahu, kan banwa nin Maresa, “Huli ta nakialyansa ka ki Ahazias, raraoton nin Kagurangnan an saimong ginibo.” Kaya nagkaroronot sa dagat an mga barko asin dai nakaabot sa Tarsis.

Ezekiel 27:26

Kan ipalawod ka na sa dagat kan mga parasagwan, rinonot ka sa tahaw kan dagat kan doros na hale sa sirangan.

Ezekiel 27:34

Ngunyan naronot ka sa dagat; nag-irarom ka sa katubigan. An mga produkto mo asin an gabos na nagtrabaho para saimo nalunod na kaiba mo.’

Mga Gibo 27:17

Pakabatona ninda kan sakayan, ginakot ninda nin darakulang pisi an barko. Natakot sinda na idagsa sa baybayon na inaapod Sirte, kaya ibinaba ninda an mga layag dangan pinabayaan na sanang ipadpad kan doros an barko.

Mga Gibo 27:30

An mga marinero naghingowang magdulag hale sa barko; ibinaba ninda an sakayan sa tubig asin sagin-sagin man na ihuhulog an mga angkla sa prowa kan barko.

Mga Gibo 27:40

Pinutol ninda an pisi kan mga angkla dangan binayaan sana ninda ini sa dagat. Siring man hinubad ninda an mga pisi na nakagakod sa mga timon. Dangan biniklad ninda an layag na nasa prowa tanganing ipadpad an barko pasiring sa baybayon.

Mga Gibo 27:42

Boot kutana kan mga soldados na gadanon an gabos na bilanggo, tanganing mayo sainda nin makalangoy pasiring sa baybayon saka makadulag.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.