Mga Gibo 27:24 - Marahay na Bareta Biblia

²⁴ Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

Mga Gibo 27:24 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Genesis 30:27

Alagad nagsimbag si Laban, “Ini an masasabi ko: sosog sa naaaraman ko sa panghuhula, benendisyonan ako nin Kagurangnan huli saimo.

Genesis 39:23

Kaya daing paghadit an bantay sa ano man na ipinapamahala niya ki Jose, huli ta kaibahan ni Jose an Kagurangnan asin pinauswag ini sa gabos na trabaho.

Genesis 39:5

Poon kaidto, huli ki Jose, benendisyonan nin Kagurangnan an harong kan Egipcio asin an gabos na pagsadiri kaini.

Genesis 46:3

Nagtaram an Dios saiya, “Ako an Dios, an Dios kan saimong ama. Dai ka matakot na magduman sa Egipto; gigibohon takang sarong dakulang nasyon duman.

1 Mga Hade 17:13

“Dai ka mahadit,” an sabi saiya ni Elias. “Magpuli ka na dangan andamon mo an saimong pagkakan. Alagad gumibo ka ngona nin sadit na tinapay asin darahon mo sako dangan andamon mo an natada para sa saimo asin sa saimong aking lalaki.

2 Mga Hade 6:16

Nagsimbag si Eliseo, “Dai ka matakot huli ta mas dakul kita ki sa sainda.”

An Libro ni Job 35:8

An saimong karatan nakakaraot sa mga kapwa mo tawo, asin an saimong katanosan nakakatabang sa sainda.

Mga Panambitan 3:57

Sinimbag mo ako asin sinabihan na dai matakot.

Daniel 2:24

Kaya nagduman si Daniel ki Ariok, na pinagbotan kan hade tanganing gadanon an mga parahatol kaini. Sinabihan niya si Ariok, “Dai mo sinda paggadanon. Darahon mo ako sa hade, asin ipapaliwanag ko saiya kun ano an kahulogan kan saiyang pangatorogan.”

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Juan 11:9

Nagsimbag si Jesus, “Bakong doseng oras an bilog na maghapon? Dai nasisingkog an naglalakaw kun aldaw, huli ta nahihiling niya an ilaw sa kinaban na ini.

Mga Gibo 19:21

Pakatapos kan mga pangyayaring ini, nagdesidir si Pablo na maglibot sa Macedonia asin Grecia bago magduman sa Jerusalem. Nagsabi siya, “Paghale ko sa Jerusalem kaipuhan magduman ako sa Roma.”

Mga Gibo 23:11

Sunod na banggi, nagtindog an Kagurangnan sa kataed ni Pablo saka nagsabi, “Dai ka matakot! Nagpatotoo ka dapit sako digdi sa Jerusalem; siring man an dapat mong gibohon duman sa Roma.”

Mga Gibo 25:11

Kun nakaginibo ako nin krimen na huli kaiyan dapat akong gadanon, aakoon ko an kagadanan. Alagad kun daing katotoohan an mga sumbong ninda tumang sako, dai ako pwedeng itao sainda nin siisay man. Maapelar ako ki Cesar.”

Mga Gibo 27:31

Alagad sinabihan ni Pablo an opisyal saka an mga soldados, “Kun an mga marinero humale sa sakayan, dai kamo makakaligtas.”

Mga Gibo 27:37

Dos syentos setenta y seis katawo kami gabos sa barko.

Mga Gibo 27:42

Boot kutana kan mga soldados na gadanon an gabos na bilanggo, tanganing mayo sainda nin makalangoy pasiring sa baybayon saka makadulag.

Mga Gibo 27:44

masurunod an iba na mamumugol sa mga tabla o sa mga peredasong kahoy kan barko. Sa siring na paagi, kami gabos ligtas na nakaabot sa baybayon.

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Filemon 1:22

Siring man, andaman mo ako nin sarong kwarto, huli ta naglalaom ako na sisimbagon nin Dios an mga pamibi nindo gabos, saka ibabalik niya ako saindo.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;