Mga Gibo 27:20 - Marahay na Bareta Biblia

²⁰ Dakul na aldaw na dai mi nahiling an aldaw ni an mga bitoon; padagos an makosog na bagyo. Mayo na kami nin paglaom na makaligtas pa.

Mga Gibo 27:20 ပူးပေါင်းရင်းမြစ်များ

Salmo 105:28

Ipinadara nin Dios sa daga an diklom alagad dai ninda tinubod an saiyang tataramon.

Isaias 57:10

Pinapagal nindo an saindong mga hawak sa paghanap nin ibang mga dios, alagad dai kamo nag-oontok. Naghohona kamong an makauuyam nindong mga dios-dios an nagtatao saindo nin kosog, kaya dai kamo pinanluluya.

Jeremias 2:25

Israel, dai mo pagpagalon an saimong mga bitis, ni pagpamarahon an saimong halonan sa pagparalamag kan ibang dios. Alagad nagsasabi ka, ‘Dai ako pwedeng tumalikod. Namotan ko na an mga dayuhan na dios-dios asin susunodon ko sinda.’”

Ezekiel 37:11

Nagtaram sako an Dios, “Aki nin tawo, arog sa mga tolang na ini an banwaan nin Israel. Nagsasabi sindang alang na sinda asin mayo na nin paglaom para sa maabot na panahon.

Jonas 1:4

Alagad nagpadara an Kagurangnan nin makosog na bagyo sa dagat, kaya haros maronot an barko.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mga Gibo 27:19

Kan ikatolong aldaw pinagtarabangan nindang ihulog an mismong mga kasangkapan kan barko.

Mga Gibo 27:21

Nagkapira nang aldaw na dai nagkakan an mga tawo sa barko. Kaya nagtindog si Pablo sa atubangan ninda saka nagsabi, “Kun nagdangog kutana kamo sako na dai magpadagos pagsakay hale sa Creta, nalikayan ta kutana an gabos na naraot saka nawarang ini.

2 Corinto 11:25

tolong beses akong hinampak kan mga Romano, saka sarong beses akong pinaggapo. Tolong beses akong nakaiba sa mga barkong naronot sa dagat; sarong beses akong naglataw-lataw sa dagat sa laog nin beynte y kwatro oras.

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.

1 Tesalonica 4:13

Mga tugang, boot ming maaraman nindo an katotoohan dapit sa mga nagkagaradan na, tanganing dai kamo magmondo, arog kan mga mayo nin paglaom.