Mga Gibo 27:18 - Marahay na Bareta Biblia

¹⁸ Padagos an makosog na bagyo, kaya sunod na aldaw pinonan nindang ipaghulog an mga kargamento kan barko.

Mga Gibo 27:18 ပူးပေါင်းရင်းမြစ်များ

Salmo 107:27

sinda nagsarayasay asin nagkadarasmag arog sa mga burat— dai na ninda aram kun ano an gigibohon.

Jonas 1:5

Nagkatarakot an mga tripulante, kaya an lambang saro nagkurahaw sa pag-apod nin tabang sa saiyang dios. Dangan, tanganing mainaan an gabat kan barko, itinapok ninda sa dagat an mga kargamento. Mantang nangyayari ini, nagduman si Jonas sa ibabang kabtang kan barko dangan nagkatorog.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Lukas 12:23

Huli ta mas mahalaga an buhay ki sa kakanon asin an hawak ki sa gubing.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Mga Gibo 27:19

Kan ikatolong aldaw pinagtarabangan nindang ihulog an mismong mga kasangkapan kan barko.

Mga Gibo 27:38

Pakakakan ninda, ihinulog ninda an trigo sa dagat tanganing gumian an barko.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.