Mga Gibo 26:28 - Marahay na Bareta Biblia

²⁸ Tinaraman ni Agripa si Pablo, “Sa halipot na panahon boot mo akong magin Cristiano!”

Mga Gibo 26:28 ပူးပေါင်းရင်းမြစ်များ

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Markos 6:20

huli ta iginagalang ni Herodes si Juan dahel ta aram niya na ini marahay saka banal, kaya habo niyang may mangyari ki Juan. Boot niyang magparadangog ki Juan, dawa dai siya napapamugtak kun nadadangog niya ini.

Mga Gibo 11:26

Kan manumpongan niya si Saulo, ipinag-iba niya ini sa Antiokia. Sangtaon sindang duwa na nakisumaro sa mga paratubod duman asin sarong dakulang grupo an tinukdoan ninda. Duman sa Antiokia enot na inapod na Cristiano an mga paratubod.

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Mga Gibo 26:27

Hadeng Agripa, minatubod ka sa mga propeta? Aram ko na minatubod ka!”

Mga Gibo 26:29

Nagsimbag si Pablo, “Sa halipot o sa halawig man na panahon, an pamibi ko sa Dios iyo na bako sana ika kundi an gabos na nagdadangog sako ngunyan magin Cristianong arog sako—pwera kan mga kadenang ini!”

2 Corinto 4:2

Isinikwal mi an gabos na hilom saka makasosopog na gibo; dai kami nandadaya. Dai mi man riniribayan an tataramon nin Dios kundi sinasabi ming hayag an katotoohan. Bahala na an konsyensya nin mga tawo na maghukom samo sa atubang nin Dios.

1 Pedro 4:16

Kun igwa nin magtios huli ta siya sarong Cristiano, dai niya iyan ikasopog, kundi mag-omaw logod siya sa Dios huli ta dinadara niya an ngaran ni Cristo.