Mga Gibo 26:24 - Marahay na Bareta Biblia

²⁴ Mantang nagpapahayag si Pablo kan saiyang depensa kinurahawan siya ni Festo, “Bua ka, Pablo! An sobrang adal mo iyo an nakakapabua saimo!”

Mga Gibo 26:24 ပူးပေါင်းရင်းမြစ်များ

2 Mga Hade 9:11

Kan magbalik si Jehu sa kapwa niya mga opisyal, naghapot sinda, “Ano an nangyari? Ano an kaipuhan saimo kan lolong na idto?” “Naaaraman nindo kun ano an kaipuhan niya,” an simbag ni Jehu.

Jeremias 29:26

An Kagurangnan iyo an nagbugtak saimo bilang padi na kasalihid ni Jehoiada asin ika ngunyan an pamayong opisyal sa Templo. Katongdan mo na mabugtakan nin kadena saka lansang na kwelyo an liog kan lambang bua-bua na nagsasagin-sagin na propeta.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Markos 3:21

Kan madangog ini kan saiyang mga kadugo, nagduman sinda tanganing kuahon siya huli ta may mga tawong nagsasabing nabubua na siya.

Juan 7:15

Napangalas an mga Judio asin nagsabi, “Tadaw ta madonong an tawong ini na dai man siya nin inadalan?”

Juan 8:48

Sinabihan si Jesus kan mga Judio, “Bakong tama an samong sinabi na Samaritano ka asin may demonyo?”

Juan 8:52

Nagsimbag an mga Judio, “Ngunyan aram na nyamo na igwa ka nin demonyo! Nagadan si Abraham saka an mga propeta, alagad nagsasabi kang an siisay man na magkuyog kan saimong tataramon dai nanggad magagadan.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

Mga Gibo 22:1

“Mga tugang asin mga magurang, hinanyogon nindo an depensa ko!”

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Mga Gibo 24:27

Pakalihis nin duwang taon, nagin kasalihid ni Felix si Porcio Festo bilang gobernador. Alagad huli ta habo ni Felix na mamondo saiya an mga Judio, pinabayaan niya si Pablo sa bilanggoan.

Mga Gibo 26:11

Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.

1 Corinto 1:23

Alagad kami naghuhulit dapit ki Cristo na ipinako sa krus. Saro ining singkogan sa mga Judio, asin sarong kalolongan para sa mga pagano.

1 Corinto 4:10

Mga lolong kami huli ki Cristo, mantang mga madonong kamo diyan ki Cristo! Mga maluya kami, mantang kamo makosog! Pinagtutuya-tuya kami; kamo ginagalangan!

2 Corinto 5:13

Kun kami garo mga lolong, iyan para sa Dios. Kun toltol an isip mi, iyan para sa saindo.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.