Mga Gibo 26:11 - Marahay na Bareta Biblia

¹¹ Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.

Mga Gibo 26:11 ပူးပေါင်းရင်းမြစ်များ

Salmo 102:8

Bilog na aldaw pinagtutuya-tuya ako kan mga kaiwal; ginagamit kan mga nagngingisi sako an sakuyang ngaran sa pagmaldisyon.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Mateo 10:17

Mag-ingat kamo, huli ta may mga tawong madara saindo sa mga awtoridad. Hahampakon kamo ninda sa mga sinagoga.

Markos 13:9

“Mag-ingat kamo, huli ta dadakopon kamo saka dadarahon sa husgado. Hahampakon kamo sa mga sinagoga; iaatubang kamo sa mga gobernador saka sa mga hade dahel sako tanganing magpatotoo sa atubang ninda.

Markos 3:28

“Sa Katotoohan sinasabihan ko kamo, pwedeng patawadon an mga tawo kan gabos nindang kasalan sagkod kan anoman na ginibo nindang paglanghad.

Lukas 15:17

Kan makapag-isip-isip siya, nagsabi siya, ‘Sobra an kakanon kan gabos na tinatandanan na trabahador duman sa harong kan ama ko, mantang ako magagadan digdi sa gutom!

Lukas 21:12

Alagad bago mangyari ini gabos, dadakopon asin papasakitan kamo; dadarahon kamo sa mga sinagoga, saka sa mga bibilanggoan; iaatubang kamo sa mga hade asin sa mga kagsakop dahel sako.

Lukas 6:11

Grabe an kaanggotan kan mga paratukdo kan Katogonan asin kan mga Fariseo kaya pinag-orolayan ninda kun ano an dapat nindang gibohon ki Jesus.

Mga Gibo 13:45

Kan mahiling kan mga Judio an kadakul na tawo, naori sinda; kaya diniskutir ninda si Pablo saka sinupog.

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Mga Gibo 22:19

Nagsimbag ako, ‘Kagurangnan, aram ninda na dinuman ko an gabos na sinagoga, ibinilanggo saka hinampak an mga nagtutubod saimo.

Mga Gibo 22:5

Makakapagsaksi an Halangkaw na Padi saka an bilog na Konseho na totoo ining sinasabi ko. Tinawan ninda ako nin surat para sa mga tugang na Judio duman sa Damasco. Kaya nagduman ako nganing dakopon an mga paratubod dangan darahon digdi sa Jerusalem nganing padusahan.

Mga Gibo 9:1

Kan panahon na iyan, padagos an paghoma ni Saulo na gadanon an mga disipulo kan Kagurangnan. Nagduman siya sa Halangkaw na Padi,

Santiago 2:7

Bakong sinda man an nagraraot kan marahay na ngaran na itinao saindo nin Dios?

2 Pedro 2:16

Alagad tinuyaw siya kan asno niya huli kan saiyang kasalan. Nagtaram ini na garo tawo, saka inontok an karungawan kan propeta.