Mga Gibo 25:23 - Marahay na Bareta Biblia

²³ Pagkaaga, nag-abot si Agripa saka si Berenice asin naglaog sa hukoman, kaiba an mga opisyal na militar saka an mga ginagalangan na tawo sa syudad. Ipinakua ni Festo si Pablo,

Mga Gibo 25:23 ပူးပေါင်းရင်းမြစ်များ

Esther 1:4

Sa laog nin anom na bulan, ipinahiling niya sainda an mga kayamanan kan saiyang kahadean, an kamurawayan saka kagayonan kaini.

Parahulit 1:2

Mayong halaga an buhay, an sabi kan Parahulit. Mayo nin halaga an gabos na bagay. An buhay mayo nin halaga! Mayo nin halaga an gabos.

Isaias 14:11

Kaidto, inoomaw ka kaiba kan musika nin mga arpa, alagad ngunyan uya ka na sa kinaban kan mga gadan. An mga ulod an saimong magigin higdaan asin mga ulod an saimong magigin tamong.’”

Isaias 5:14

An kinaban kan mga gadan nagugutom para sainda asin an buka kan saiyang ngimot dai na masusukol; hahalonon niya an ginagalangan sa Jerusalem saka an saindang kairiba, sagkod an mga maribok na grupo nin ordinaryong mga tawo.

Ezekiel 30:18

Magdidiklom an Tafnes kun barion ko na an kapangyarihan nin Egipto asin taposon ko na an kosog na ipinag-orgulyo niya. An Egipto matatahoban nin sarong panganoron asin mabibihag an gabos na tawo sa saiyang mga syudad.

Ezekiel 32:12

Tutugotan kong gadanon nin mga soldados na gikan sa makuring mga nasyon an saimong banwaan. An bilog mong banwaan asin an gabos na ipinag-oorgulyo mo magagadan.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Ezekiel 7:24

Dadarahon ko digdi an pinakamaraot na mga nasyon tanganing sadirihon an saindang mga harong. Manluluya an boot kan saindang maiisog na mga lalaki, kun digtaan na kan mga nasyon an saindang mga lugar na pinagsasambahan.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Markos 6:21

Dangan nagkaigwa si Herodias nin oportunidad kan kumpleanyo ni Herodes; nagbangkete ini para sa mga haralangkaw na opisyal kan gobyerno, para sa mga opisyal kan hukbo asin para sa mga iginagalang na tawo sa Galilea.

Mga Gibo 12:21

Nagtalaan si Herodes nin sarong aldaw sa pakipaghilingan sa mga tawong ini. Pag-abot kan aldaw na idto, nagsulot siya kan sa hadeng-gubing, nagtukaw sa trono dangan nagdiskurso sainda.

Mga Gibo 25:13

Pakalihis nin nagkapirang aldaw, nagduman sa Cesarea si Hadeng Agripa asin si Berenice sa pagkomusta ki Festo.

Mga Gibo 26:30

Dangan tuminindog an hade, an gobernador, si Berenice asin an mga kairiba ninda.

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

1 Corinto 7:31

an mga tawong may kaipuhan sa kinaban na ini, mamuhay na garo dai sinda nangangaipo kaiyan, huli ta an kinaban na ini mapapara.

Santiago 1:11

Huli ta minasirang an aldaw kaiba an nakakatutong na init, asin naaalang an doot; an burak kaini nararakdag, dangan an kagayonan napapara. Siring kaiyan an mayaman: magagadan sa tahaw kan saiyang mga kasibotan.

1 Pedro 1:24

Siring sa sinasabi sa kasuratan, “An gabos na tawo arog kan doot; An gabos nindang kagayonan kaagid sa mga burak kaini. An doot naaalang asin an burak nararakdag,

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.